କ୍ୟାନସର ସଚେତନତା ରାଲି

ଅନୁଗୋଳ,୨୧/୧୧ (ସକାଳଖବର): ନାଲକୋ ସରସ୍ୱତୀ ବିଦ୍ୟା ମନ୍ଦିର ଏନସିସି କ୍ୟାଡେ଼ଟଙ୍କ ଦ୍ୱାରା ସ୍ଥାନୀୟ ଅଞ୍ଚଳରେ କ୍ୟାନସର ସଚେତନତା ରାଲି ଅନୁଷ୍ଠିତ ହୋଇଯାଇଛି । ପ୍ରାରମ୍ଭରେ ବିଦ୍ୟାମନ୍ଦିରର ପ୍ରଧାନାଚାର୍ଯ୍ୟ ଶତ୍ରୁଘ୍ନ ବେହେରା ଓ ଉପ ପ୍ରଧାନଚାର୍ଯ୍ୟସିଦ୍ଧିନାଥ ସାଂହୁଙ୍କ ଉପସ୍ଥିତିରେ ୫୦ ଜଣ ଏନସିସି କ୍ୟାଡେ଼ଟ ଶପଥ ପାଠ କରିଥିଲେ । ବିଦ୍ୟାଳୟ ପରିସରକୁ ଏକ ସାଇକେଲ ଶୋଭାଯାତ୍ରାରେ ବାହାରି କାଣ୍ଡସର ଓ କନିଆବେଡ଼ା ଗ୍ରାମକୁ ଯାଇ କ୍ୟାନସରରୁ ମୁକ୍ତି ପାଇବାର ସଚେତନତା କରିବା ସହିତ ଏହି ରୋଗର ମୂଳ କାରଣ ପାନ, ବିଡ଼ି, ଗୁଟୁଖା, ଖଇନି ଓ ସିଗାରେଟ ଇତ୍ୟାଦି ସେବନ ନକରିବାକୁ ଆହ୍ୱାନ ଦେଇଥିଲେ । ଶୋଭାଯାତ୍ରା ଏନସିସି ଅଧିକାରୀ ଜଗନ୍ନାଥ ପାଣିଗ୍ରାହୀ ଓ କ୍ୟାଡେ଼ଟ ଆଦିତ୍ୟ ସାମଲ, ସୂର୍ଯ୍ୟକାନ୍ତ ସାହୁଙ୍କ ନେତୃତ୍ୱରେ ପରିଚାଳିତ ହୋଇଥିଲା ।