ପୁଣି ଆକାଶରେ ପ୍ରଚଣ୍ଡ ଶବ୍ଦ, ବାଲେଶ୍ୱର ଓ ମୟୂରଭଞ୍ଜରେ ଆତଙ୍କ

ଭୁବନେଶ୍ୱର: ପୁଣି ଆକାଶରେ ପ୍ରଚଣ୍ଡ ଶବ୍ଦ । ମଝି ଆକାଶରେ ଡରାଇବା ଭଳି ଶବ୍ଦ । କିଛି ମାସର ବ୍ୟବଧାନ ପରେ ପୁଣି ସେହିଭଳି ଶବ୍ଦ । ପ୍ରଥମେ ଭଦ୍ରକ, କେନ୍ଦୁଝର ଓ ଯାଜପୁରରେ ଏଭଳି ଶବ୍ଦ ଶୁଣିବାକୁ ମିଳିଥିବାବେଳେ ଆଜି ପୁଣି ବାଲେଶ୍ୱର ଓ ମୟୂରଭଞ୍ଜରେ ସେହିଭଳି ଶବ୍ଦ ଶୁଣାଯାଇଛି । ଅକାଶରେ କିଛି କ୍ଷଣ ପାଇଁ ପ୍ରଚଣ୍ଡ ଶବ୍ଦ ଶୁଣିବାକୁ ମିଳିଥିଲା । ପ୍ରଚଣ୍ଡ ଶବ୍ଦର କାରଣ ଅସ୍ପଷ୍ଟ ଥିବାବେଳେ ଏନେଇ ସ୍ଥାନୀୟ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି । ଶବ୍ଦ ଯୋଗୁଁ ଲୋକେମାନେ ଘରୁ ବାହାରକଚ ପଳାଇ ଆସିଥିଲେ । ଶବ୍ଦ ସମୟରେ ଘରର କବାଟ ଝରକା ଥରି ଉଠିଥିଲା । ତେବେ କୌଣସି ସୁପରସନିକ ଜେଟ ଆକାଶରେ ଯାଇଥିବାରୁ ଏଭଳି ଶବ୍ଦ ହୋଇଛି ନା କୌଣସି ମିଜାଇଲ ଟେଷ୍ଟିଂ ପାଇଁ ହେଲା ନା ଅନ୍ୟ କୌଣସି କାରଣ ପାଇଁ ହେଲା ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।