ବଦଳିବ ରାଜଧାନୀର ରୂପରେଖ, ଫ୍ଲାଏଓଭର ଉପରେ ମେଟ୍ରୋ
ଭୁବନେଶ୍ୱର: ରାଜଧାନୀ ଭୁବନେଶ୍ୱରର ବଦଳିବାକୁ ଯାଉଛି ରୂପରେଖ । ରହିବନି ଟ୍ରାଫିକ୍ ସମସ୍ୟା । ରାସ୍ତାରେ ଗାଡ଼ିମୋଟର ଓ ପଥଚାରୀ ଯିବା ଆସିବା କରିବେ, ଫ୍ଲାଏଓଭର ଉପରେ ଗାଡ଼ିମଟର ଚାଲୁଥିବା ବେଳେ ଉପରେ ଦୌଡ଼ୁଥିବ ମେଟ୍ରୋ ଟ୍ରେନ୍ । ରାସ୍ତା ମଝିରେ ଫିଟିଥିବ ଭୂତଳ ରାସ୍ତା । ମାଟି ତଳେ ଭୂତଳ ବଜାର, ପାର୍କଂ ବି ରହିବ । ସ୍ମାର୍ଟ ସିଟି ପାଲଟିବ ଆହୁରି ସ୍ମାର୍ଟ । ଅତ୍ୟାଧୁନିକ ଗମନାଗମନର ସୁବିଧା ଉପଭୋଗ କରିବେ ଲୋକେ ।
ଭୁବନେଶ୍ୱରର ମେଟ୍ରୋ ରେଳ ଓ ଜୟଦେବବିହାର-ନନ୍ଦନକାନନ ରାସ୍ତାକୁ ନେଇ ଏମିତି କିଛି ନୂଆ ଯୋଜନା କରାଯାଇଛି । ଏ ପ୍ରକଳ୍ପ ସାକାର ହେଲେ ନାଗପୁର ମେଟ୍ରୋରେଳକୁ ବି ପଛରେ ପକାଇଦେବ ଭୁବନେଶ୍ୱର ମେଟ୍ରୋ ପ୍ରକଳ୍ପ । ରାସ୍ତା, ଫ୍ଲାଏଓଭର ଉପରେ ଯାଇଛଇ ନାଗପୁର ମେଟ୍ରୋ ରେଳ, ଯାହାକି ଗିନିଜ ବୁକରେ ନାଁ ଯୋଡ଼ିଛି । କିନ୍ତୁ ଏ ରେକର୍ଡକୁ ଭାଙ୍ଗିବ ଭୁବନେଶ୍ୱର ମେଟ୍ରୋ ରେଳ ପ୍ରକଳ୍ପ । ଏଥିପାଇଁ ମେଗା ପ୍ଲାନ ପ୍ରସ୍ତୁତ କରାଯାଇଛି । ଏହି ପ୍ରକଳ୍ପର କାର୍ଯ୍ୟ ୨୦୨୪ ଏପ୍ରିଲରୁ ଆରମ୍ଭ ହେବ । ସରିବ ୨୦୨୮ ମାର୍ଚ୍ଚ ଶେଷ ସୁଦ୍ଧା । ୨୦୨୮ରୁ ଭୁବନେଶ୍ୱର ମେଟ୍ରୋ ପ୍ରକଳ୍ପ କାର୍ଯ୍ୟକ୍ଷମ କରିବାର ଲକ୍ଷ୍ୟ ରଖାଯାଇଛି ।
