ଶ୍ରୀମନ୍ଦିରର ସବୁ ଅଙ୍ଗ ଅଚଳ

ପୁରୀ,୨୨/୮ (ସକାଳଖବର): ଶ୍ରୀମନ୍ଦିର ନାଟମଣ୍ଡପ ସ୍ଥିତି ଅତି ସାଙ୍ଘାତିକ ଥିବାରୁ ଏହାକୁ ଆଇଆଇଟି ଖଡ଼ଗପୁର ଓ ଆଇଆଇଟି ଚେନ୍ନାଇର ବିଶେଷଜ୍ଞ ଯାଂଚ କରିବା ପରେ ମରାମତି କରାଯିବ ବୋଲି କହିଛନ୍ତି ।ଏହି ଦୁଇଟିମ ଆହୁରି ୧୦ଦିନ ଅଧିକ ଯାଂଚ କରିବା ପରେ ମରାମତିର ରୂପରେଖ ସମ୍ପର୍କରେ ଜଣାପଡ଼ିବ । ଏଥିସହ ନାଟମଣ୍ଡପର ସ୍କେଚ ଡାଇଗ୍ରାମ ଏଏସଆଇ ପ୍ରସ୍ତୁତ କରି ବିଶେଷଜ୍ଞଙ୍କୁ ପ୍ରଦାନ କରିବେ । ନାଟମଣ୍ଡପର ୩ଟି କଲମ କ୍ୟାପିଟାଲରେ ଫାଟ ସୃଷ୍ଟି ହୋଇଛି । ନାଟମଣ୍ଡପର ମୁଖ୍ୟ ବିମ୍ ଫାଟିଯାଇଛି । କିନ୍ତୁ ତା’ ତଳେ ରହିଥିବା ଲୁହା ବିମ୍ ଭଲଥିବାରୁ ଭାରା ମୁଣ୍ଡାଇଛି । ବିଶେଷଜ୍ଞ ଦଳ ଓ କୋର କମିଟି ଏନେଇ ବିସ୍ତୃତ ଆଲୋଚନା କରି ଅଧିକ ଅନୁଧ୍ୟାନ କରାଯିବା ପରେ ମରାମତି କାମ ଆରମ୍ଭ ହେବ । ନାଟମଣ୍ଡପ ଉପରେ ସିମେଂଟ ଓ ବଜୁରୀ ଗୋଡ଼ିରେ ଗ୍ରିଡିଂ ହୋଇଛି । ଏହି ଗ୍ରିଡିଂ ଫାଟିଯିବାରୁ ପାଣି ଗଳୁଛି । ଚୂନ ପ୍ଲାଷ୍ଟର ଉପରେ ଗ୍ରିଡିଂ ହୋଇଥିବାରୁ ତାହା ଛାଡ଼ିଯାଇଛି । ନାଟମଣ୍ଡପରେ ୧୬ଟି କଲମ ରହିଛି । ମଝିରେ ୪ଟି ମୁଖ୍ୟ ପିଲାରରୁ ୩ଟି ପିଲାର ସ୍ଥିତି ଭଲନାହିଁ । ନାଟମଣ୍ଡପରେ କରାଯାଇଥିବା ଭାରାପଟା ଉପରେ ଚଢ଼ି ତନ୍ନ ତନ୍ନ ଯାଂଚ କରିଥିଲେ । ଏହି ଟିମ୍ରେ ମାଡ୍ରାସ ଆଇଆଇଟିର ପ୍ରଫେସର ଅରୁଣ ମେନନ, ଅମ୍ଲାନ ସେନଗୁପ୍ତା, ଆଇଆଇଟି ଖଡ଼ଗପୁରର ପ୍ରଫେସର ଏସ.କେ. ଭଟ୍ଟାଚାର୍ଯ୍ୟ, ଯୁଗ୍ମ ଡିଜି ଜାହ୍ନବୀ ଶର୍ମା, ଏଏସ୍ଆଇର ପୂର୍ବାଂଚଳ ଆଂଚଳିକ ନିଦେ୍ର୍ଧଶକ ନନ୍ଦିନୀ ସାହୁ, ରାଜ୍ୟ ପ୍ରତ୍ନତତ୍ୱ ବିଭାଗର ପୂର୍ବତନ ଅଧିକ୍ଷକ ବିଜୟ କୁମାର ରଥ, ଏଏସଆଇର ପ୍ରାକ୍ତନ ନିଦେ୍ର୍ଧଶକ ଅଶୋକ ପଟେଲ, ପ୍ରାକ୍ତନ ଯୁଗ୍ମ ଡିଜି ଏସ୍.ବି. ଓତା, ଇଂ. ଧର୍ମପଦ ମିଶ୍ର ଓ କୋର କମିଟିର ସଦସ୍ୟମାନେ ଉପସ୍ଥିତ ଥିଲେ । ୩ମାସ ପର୍ଯ୍ୟନ୍ତ ଏ ସମ୍ପର୍କରେ ସମୀକ୍ଷା କରାଯିବ । ତା’ପରେ ନିର୍ମାଣ କାମ ଆରମ୍ଭ ହେବ