ବିଜେପିରେ ମିଶିଲେ ପୂର୍ବତନ ମୁଖ୍ୟମନ୍ତ୍ରୀ ଚମ୍ପାଇ ସୋରେନ

ଚମ୍ପାଇ ସୋରେନ ଆହୁରି ଲେଖିଥିଲେ, ମୁଁ ଜେଏମ୍‌ଏମ୍ ଛାଡ଼ିବି ବୋଲି କେବେ ସ୍ୱପ୍ନରେ ସୁଦ୍ଧା ଭାବି ନଥିଲି। ଏହା ମୋ ପରିବାର ଭଳି ଥିଲା। କିନ୍ତୁ ଘଟିଯାଇଥିବା କିଛି କଥା ମୋତେ ବାଧ୍ୟ କରିଛି ଦୁଃଖର ସହିତ ଦଳ ଛାଡ଼ିବାକୁ। ମୁଁ ଦୁଃଖର ସହିତ କହୁଛି ଯେ ଦଳ ଏବେ ତା’ ମୂଳ ଲକ୍ଷ୍ୟରୁ ବିଚ୍ୟୁତ ହୋଇଛି।   

ଚମ୍ପାଇ ସୋରେନ ଚଳିତ ବର୍ଷ ଫେବ୍ରୁଆରୀ ମାସ ୨ ତାରିଖରେ ଝାରଖଣ୍ଡର ଦ୍ୱାଦଶତମ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ। ଗତ ଜୁଲାଇ ୩ ତାରିଖରେ ସେ ଏହି ପଦରୁ ଇସ୍ତଫା ଦେଇଥିଲେ। ଜୁଲାଇ ୪ ତାରିଖରେ ଜେଏମ୍‌ଏମ୍‌ର କାର୍ଯ୍ୟନିର୍ବାହୀ ସଭାପତି ହେମନ୍ତ ସୋରେନ୍ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ। ହେମନ୍ତ ସୋରେନଙ୍କୁ ଜେଲ ଯିବାକୁ ପଡ଼ିବାରୁ ସେ ଇସ୍ତଫା ଦେଇଥିଲେ ଓ ଚମ୍ପାଇ ସୋରେନ ମୁଖ୍ୟମନ୍ତ୍ରୀ ହୋଇଥିଲେ। ସେ ଜେଲ୍‌ରୁ ଫେରିବା ପରେ ଚମ୍ପାଇ ସୋରେନଙ୍କୁ ମୁଖ୍ୟମନ୍ତ୍ରୀ ପଦ ଛାଡ଼ିବାକୁ ପଡ଼ିଥିଲା। ତେବେ ଚଳିତ ମାସ ପ୍ରାରମ୍ଭରେ ଚମ୍ପାଇ ସୋରେନ କହିଥିଲେ ଯେ ହେମନ୍ତ ସୋରେନ ଜେଲ୍‌ରୁ ଫେରିବା ପରେ ତାଙ୍କ ସହିତ କରିଥିବା ବ୍ୟବହାର ତାଙ୍କୁ ଭାରି ବାଧି ଥିଲା।