ଫିରୋଜ ଶାହା ବାବାଙ୍କ ବାର୍ଷିକ ଉତ୍ସବ

କଟକ, ୩/୭: (ସକାଳଖବର) : ମେହେନ୍ଦୀପୀରସ୍ଥିତ ସୟଦ ଫିରୋଜ ଶାହା ବାବାଙ୍କ ବାର୍ଷିକ ଉତ୍ସବ ସ୍ଥାନୀୟ ମଜାହର କମିଟି ପକ୍ଷରୁ ପାଳିତ ହୋଇଯାଇଛି । ଏହି ଅବସରରେ ସକାଳେ ନମାଜ ପାଠ ପରେ ଗୋସଲ ଓ ଫାତିହା କରାଯାଇଥିଲା । ସଂଧ୍ୟାରେ ବାବାଙ୍କ ପୀଠରୁ ଏକ ଚାଦର ଶୋଭାଯାତ୍ରା ସାହି ପରିକ୍ରମା କରି ଚାଦର ପୋଷି କରାଯାଇଥିଲା । ଏଥିରେ ସାହିର ବାସିନ୍ଦା ତଥା ମଜାହର କମିଟି ସଭାପତି ନଇମ ଖାନ୍, ସଂପାଦକ ରମଜାନ ଅଲ୍ଲୀ, ସାହିଲ ଅହମ୍ମଦ, ମହଲା କମିଟି ସଭାପତି ହବିବୁର ରହେମନ, ସଂପାଦକ ଶେଖ୍ ଆଲମ, ଅଫସର ହାପିଜ, ଅଫସର ଅହମ୍ମଦ, ଆରିଫ ରହେମନ, ନିଆଜ ଖାନ୍, ଏମ.ଡ଼ି.ଇମରାନ, ଅଫସର ଅଲ୍ଲୀ, ମୁଜାବର ଶେଖ୍ ସଲିମ ପ୍ରମୁଖ ଉପସ୍ଥିତ ରହି ବାବାଙ୍କ କାର୍ଯ୍ୟକ୍ରମ ପରିଚାଳନା କରିଥିଲେ ।