ରାଜ୍ୟ ବାର କାଉନସିଲ ଅଧ୍ୟକ୍ଷ ଉପ-ନିର୍ବାଚନ ଜୁନ୍ ୨୪ରେ

କଟକ: ୭/୫(ସକାଳଖବର) ଓଡିଶା ରାଜ୍ୟ ବାର କାଉନସିଲ ଅଧ୍ୟକ୍ଷ ଉପ ନିର୍ବାଚନ ପାଇଁ ଆଜି ତାରିଖ ଘୋଷଣା କରାଯାଇଛି । ବାର କାଉନସିଲ ହଲରେ ଜୁନ୍ ୨୪ ତାରିଖ ପୂର୍ବାହ୍ନ ୧୧ଟା ୩୦ ମିନିଟରେ ଏଥିପାଇଁ ବୈଠକ ଅନୁଷ୍ଠିତ ହେବ । ହାଇକୋର୍ଟଙ୍କ ନିଦେ୍ର୍ଧଶ ଅନୁଯାୟୀ ବାର କାଉନସିଲ ଅଫ ଇଣ୍ଡିଆ ରୁଲସ୍ ୧୨ ଅନୁଯାୟୀ ଏହି ନିର୍ବାଚନ ଗୁପ୍ତ ଭୋଟିଙ୍ଗ୍ ପଦ୍ଧତିରେ ଅନୁଷ୍ଠିତ ହେବ । ଭୋଟ ଗ୍ରହଣ ପରେ ବାଲଟ୍ ବକ୍ସକୁ ସିଲ୍ କରାଯାଇ ହାଇକୋର୍ଟ ରେଜିଷ୍ଟ୍ରାର ଜେନେରାଲଙ୍କ ନିକଟରେ ହାଇକୋର୍ଟଙ୍କ ପରବ ର୍ୀ ନିଦେ୍ର୍ଧଶ ପର୍ଯ୍ୟନ୍ତ ରଖାଯିବ । ସୂଚନାଯୋଗ୍ୟ ଯେ, ପୂର୍ବରୁ ରାଜ୍ୟ ବାର କାଉନସିଲ ଅଧ୍ୟକ୍ଷ ଡ. ମାନସ କୁମାର ମହାପାତ୍ର ଇସ୍ତଫା ଦେବା ପରେ ଏହି ପଦବୀ ଖାଲି ପଡିଥିଲା । ତେବେ ଏହାକୁ ନେଇ ହାଇକୋର୍ଟରେ ମାମଲା ରୁଜୁ ହୋଇଥିଲା । ହାଇକୋର୍ଟଙ୍କ ନିଦେ୍ର୍ଧଶ କ୍ରମେ ଆଇନଜୀବୀ ଚିନ୍ମୟ ମହାନ୍ତି ଅଧ୍ୟକ୍ଷ ଦାୟିତ୍ୱରେ ରହିଥିବା ବେଳେ ସଂପାଦକଙ୍କୁ ନିର୍ବାଚନ ତାରିଖ ଘୋଷଣା ପାଇଁ ନିଦେ୍ର୍ଧଶ ଦେଇଥିଲେ ।