ଭୁବନେଶ୍ୱରରେ ପ୍ରତିଷ୍ଠା ହେବ ଆଇଏଚସିଏଲର ହୋଟେଲ ‘ଭିଭାନ୍ତ’
ମୁମ୍ବାଇ, ୧୩/୧୧: ଦକ୍ଷିଣ ଏସିଆର ସର୍ବବୃହତ ତଥା ଆକର୍ଷଣୀୟ ଆତିଥ୍ୟ ପ୍ରଦାନକାରୀ କଂପାନୀ ଦି ଇଣ୍ଡିଆନ ହୋଟେଲ କଂପାନୀ ଲିମିଟେଡ଼ ( ଆଇଏଚସିଏଲ) ଓଡ଼ିଶାରେ ଏହାର ଦ୍ୱିତୀୟ ହୋଟେଲ ପ୍ରତିଷ୍ଠା ବିଷୟ ଘୋଷଣା କରିଛି । ଭିଭାନ୍ତ ନାମରେ ଏହି ହୋଟେଲ ଭୁବନେଶ୍ୱରରେ ପ୍ରତିଷ୍ଠା କରାଯିବ । ଏଥିପାଇଁ ଲାଇଫଲାଇନ ମଲଟି ଭେଞ୍ଚର ପ୍ରାଇଭେଟ ଲିମିଟେଡ଼ ସହ ଏକ ପରିଚାଳନାଗତ ଚୁକ୍ତିନାମା ଜରିଆରେ ଏହା କାର୍ଯ୍ୟକାରୀ ହେବ । ଉଚ୍ଚ ଅଭିବୃଦ୍ଧି ଲକ୍ଷ୍ୟରେ କଂପାନୀର ସଂପ୍ରସାରଣ ଯୋଜନାର ଅଂଶ ଭାବେ ଏଥିପାଇଁ ରାଜିନାମା ସ୍ୱାକ୍ଷର ହୋଇଛି ।
ଏହି ରାଜିନାାମ ସଂପର୍କରେ ଆଇଏଚସିଏଲର ପରିଚାଳନା ନିଦେ୍ର୍ଧଶକ ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ପୁନିତ ଚାଟୱାଲା କହିଛନ୍ତି ଯେ, ୨୦୨୨ ମସିହା ସୁଦ୍ଧା କଂପାନୀ ସଂପ୍ରସାରଣ ପାଇଁ ଯେଉଁ ଲକ୍ଷ୍ୟ ରଖିଛି ତାହା ମଧ୍ୟରେ ଭିଭାନ୍ତ ଭୁବନେଶ୍ୱର ସାମିଲ ହୋଇଛି । ୨୦୨୨ ସୁଦ୍ଧା ଦେଶର ବିଭିନ୍ନ ରାଜ୍ୟର ରାଜଧାନୀ ସହରରେ ହୋଟେଲ ପ୍ରତିଷ୍ଠା କରି କଂପାନୀ ନିଜ ଉପସ୍ଥିତି ଜାହିର କରିବାକୁ ଲକ୍ଷ୍ୟ ରଖିଛି ।
