ଘରୁ ଡ଼ାକିନେଇ ଯୁବକଙ୍କୁ ହତ୍ୟା ଅଭିଯୋଗ

ଅନୁଗୋଳ, ୨୬/୯ (ସକାଳଖବର): ବଅଁରପାଳ ଥାନା ଅନ୍ତର୍ଗତ ଶାଳଗାଡ଼ିଆ ଗାଁର ଜଣେ ଯୁବକଙ୍କୁ ଘରୁ ଡ଼ାକିନେଇ ହତ୍ୟା କରିଥିବା ପରିବାର ଲୋକ ଅଭିଯୋଗ କରିଛନ୍ତି । ଏବଂ ଥାନାରେ ସମ୍ମୁଖରେ ଶବକୁ ରଖି ଅଭିଯୁକ୍ତକୁ ତୁରନ୍ତ ଗିରଫ କରିବା ପାଇଁ ପରିବାର ଓ ଗ୍ରାମବାସୀ ଦାବୀ କରୁଥିବା ଜଣାଯାଇଛି । ଘଟଣାରୁ ପ୍ରକାଶ ଯେ, ବଅଁରପାଳ ଥାନା ବନ୍ଦା ଗାଁର ଟ୍ରକ ମାଲିକ ଅଭିମନ୍ୟୁ ସାହୁଙ୍କଠାରେ ସେହି ଗାଁର ରିଙ୍କୁ ସାହୁ ଓ ଶାଳଗାଡ଼ିଆ ଗାଁର ପ୍ରକାଶ ସାମଲ ଉଭୟ ମିଶି ଡ଼୍ରାଇଭର କାମ କରନ୍ତି । ତେବେ ରିଙ୍କୁ ଓ ପ୍ରକାଶଙ୍କ ମଧ୍ୟରେ କିଛି ଘଟଣାକୁ ନେଇ ବହୁ ପୂର୍ବରୁ ଶତୃତା ରହିଥିଲା । ତେବେ ଗତକାଲି ବିଳମ୍ବିତ ରାତିରେ ରିଙ୍କୁ ସାହୁ ମାଲିକ ଡ଼ାକୁଛନ୍ତି କହି ପ୍ରକାଶକୁ ଘରୁ ଡ଼ାକିନେଇଥିଲା । ଏବଂ ଏକ ନିଛାଟିଆ ଜଙ୍ଗଲରେ ନିସ୍ତୁକ ମାଡ଼ ମାରିବା ସହ ଛୁରାମାଡ଼ କରିଥିଲା । ତାପରେ ପ୍ରକାଶଙ୍କ ଅବସ୍ଥା ଗୁରୁତର ହେବା ପରେ ତାଙ୍କୁ ଚିକିସôା ନିମନ୍ତେ ଘରୋଇ ଡ଼ାକ୍ତରଖାନାରେ ଭର୍ତ୍ତି କରିଥିଲା । ପ୍ରକାଶ ଅବସ୍ଥା ସଂକଟାପର୍ଣ୍ଣ ଥିବା ଯୋଗୁ ପରିବାର ଲୋକ ପହଞ୍ଚô କଟକ ଡ଼ାକ୍ତରଖାନାକୁ ନେଇଯାଉଥିଲେ । ତେବେ ଅଧା ବାଟ ଯିବା ପୂର୍ବରୁ ପ୍ରକାଶଙ୍କର ମୃତ୍ୟୁ ହୋଇଥିଲା । ଏହି ମୃତ୍ୟୁ ଘଟଣାକୁ ନେଇ ପରିବାର ଲୋକ ଏହା ଏକ ସୁ ପରିକଳ୍ପିତ ହତ୍ୟାକାଣ୍ଡବୋଲି ଥାନାରେ ଅଭିଯୋଗ କରିବା ସହ ଅଭିଯୁକ୍ତଙ୍କୁ ତୁରନ୍ତ ଗିରଫ କରିବା ଦାବି ନେଇ ଥାନାରେ ସମ୍ମୁଖରେ ଶବ ରଖି ବିକ୍ଷୋଭ କରିଥିବା ଜଣାଯାଇଛି ।