ଫାଣ୍ଡିରେ ବିଏସ୍ଏଫ୍ ଜବାନଙ୍କ ଉନ୍ମତ୍ତକାଣ୍ଡ

ଅନୁଗୋଳ ୨୬/୯ (ସକାଳଖବର): ବଅଁରପାଳ ଥାନା ଅନ୍ତର୍ଗତ ମହୀଧରପୁର ଫାଣ୍ଡିରେ ଜଣେ ବିଏସ୍ଏଫ୍ ଜବାନ ଉନ୍ମତ୍ତକାଣ୍ଡ ଭିଆଇଛନ୍ତି । ଫାଣ୍ଡି ଭିତରେ ବିଭିନ୍ନ ଭାଷାରେ ଗାଳି ଗୁଲଜ କରିବା ସହ ମାଡ଼ପିଡ଼ କରିବା ନେଇ ପୋଲିସ ତାଙ୍କୁ ଗିରଫ କରିଛି । ଘଟଣାରୁ ପ୍ରକାଶ ଯେ, ମହୀଧରପୁର ଗାଁର ସୁନିଲ ପ୍ରଧାନ ବିଏସ୍ଏଫ୍ ଜବାନ ଭାବେ କାମ କରନ୍ତି । ଗତ ୧୫ ଦିନ ପୂର୍ବରୁ ଘରକୁ ଆସିଥିବାବେଳେ ଆଜି ପୂର୍ବାହ୍ନରେ ମହୀଧରପୁର ଫାଣ୍ଡି ଭିତରେ ପଶି ମାଡ଼ପିଟ ଓ ଗାଳି ଗୁଲଜ କରିଥିଲେ । ଏନେଇ ପୋଲିସ ବିଏସ୍ଏଫ୍ ଜବାନ ସୁନିଲ ପ୍ରଧାନଙ୍କୁ ଗିରଫ କରି କୋର୍ଟ ଚାଲାଣ କରିଛି ।