ଆନ୍ତର୍ଜାତିକ ପ୍ରତିଯୋଗିତା ପାଇଁ କଲମ୍ବୋ ଯିବେ ପ୍ରକାଶ

ଅନୁଗୋଳ, ୧୧/୮ (ସକାଳକବର): ଅନୁଗୋଳ ବ୍ଲକ ଖଲାରୀ ପଞ୍ଚାୟତ ଗଡ଼ପଦା ସାହିର କ୍ରୀଡ଼ାବିତ୍ ପ୍ରକାଶ ଗଡ଼ନାୟକ ଆନ୍ତର୍ଜାତିକ ପ୍ରତିଯୋଗିତାରେ ଭାଗ ନେବାକୁ କଲମ୍ବୋ ଯିବେ । ନୂଆଦିଲ୍ଲୀଠାରେ ଶେଷ ହୋଇଥିବା ଜାତୀୟ ମାଷ୍ଟରସ୍ ଆଥ୍ଲେଟିକସ୍ ମିଟ୍ରେ ସଫଳ ହେବା ପରେ ଉକ୍ତ ଆନ୍ତର୍ଜାତିକ ପ୍ରତିଯୋଗିତା ପାଇଁ ଇଣ୍ଡିଆନ ଆସୋସିଏସନ୍ ପକ୍ଷରୁ ତାଙ୍କୁ ମନୋନୀତ କରାଯାଇଛି । ଆସନ୍ତା ୧୬ ତାରିଖରେ ସେ କଲମ୍ବୋ ଅଭିମୁଖେ ଯାତ୍ରା କରିବେ । ସେଠାରେ ଚଳିତମାସ ୧୮ ତାରିଖରୁ ୨୦ ତାରିଖ ପର୍ଯ୍ୟନ୍ତ ମାଷ୍ଟରସ୍ ଆଥେଲେଟିକସ୍ ମିଟ୍ ଅନୁଷ୍ଠିତ ହେବ । ସୂଚନାଯୋଗ ଯେ, ବାୟୁସେନାରୁ ଅବସର େନେଇଥିବା ପ୍ରକାଶ ଅଦ୍ୟାବିଧି ବିଭିନ୍ନ କ୍ରୀଡ଼ାରେ ଭାଗନେଇ ଶହେରୁ ଅଧିକ ସ୍ୱର୍ଣ୍ଣପଦକ ସହ ୭୦ରୁ ଅଧିକ ରୌପ୍ୟ ଓ ୫୦ ରୁ ଅଧିକ ବ୍ରୋଞ୍ଜ ପଦକ ହାସଲ କରି ରେକଡର଼୍ର ଅଧିକାରୀ ହୋଇଛନ୍ତି ।