ବିଜେଡି ପ୍ରାର୍ଥôନୀ ସୁନନ୍ଦାଙ୍କ ନିର୍ବାଚନ ପ୍ରଚାର
ଧର୍ମଶାଳା,୧୫/୪(ସକାଳଖବର): ଯାଜପୁର ଜିଲା ବରୀ ନିର୍ବାଚନ ମଣ୍ଡଳୀ ଅନ୍ତର୍ଗତ ରସୁଲପୁର ବ୍ଲକ ଅଧିନରେ ଥିବା ୧୦ ଗୋଟି ପଂଚାୟତ ମଧ୍ୟରୁ ୪ଗୋଟି ପଂଚାୟତରେ ବିଜେଡି ତାହାର ନିର୍ବାଚନ ପ୍ରଚାରକୁ ଜୋରଦାର କରିଛି । ଏହି ବ୍ଲକର ପ୍ରଥମାଖଣ୍ଡ, ରାଜେନ୍ଦ୍ରପୁର, ଅତଲାପୁର ଓ ସାମନ୍ତରାପୁର ପଂଚାୟତରେ ବାଇକ୍ ଶୋଭାଯାତ୍ରାରେ ନିର୍ବାଚନ ପ୍ରଚାର ହୋଇଥିଲା । ଏହି ବାଇକ ଶୋଭାଯାତ୍ରାରେ ବରୀ ନିର୍ବାଚନ ମଣ୍ଡଳୀର ବିଧାୟିକା ପ୍ରାର୍ଥôନୀ ସୁନନ୍ଦା ଦାସ ପ୍ରଥମାଖଣ୍ଡ ଠାରେ ପଂହଚି ସ୍ଥାନୀୟ ମନ୍ଦିରରେ ପୂଜାର୍ଚ୍ଚନା ପରେ ଏକ ଖୋଲା ଗାଡିରେ ତାଙ୍କର ନିର୍ବାଚନ ପ୍ରଚାର କାର୍ଯ୍ୟ ଆରମ୍ଭ କରିଥିଲେ । ଏହି ଶୋଭାଯାତ୍ରା ୪ଗୋଟି ପଂଚାୟତ ବୁଲି ଶେଷରେ ସାମନ୍ତରାପୁର ପଂଚାୟତସ୍ଥ ମନ୍ଦାରପୁର ରାଧାକୃଷ୍ଣ ମନ୍ଦିର ପରିସରରେ ସମାପନ ହୋଇଥିଲା ।
ଏହି ଅବସରରେ ତାଙ୍କ ବିଭିନ୍ନ ପଂଚାୟତ ଓ ସ୍ଥାନୀୟ ଗ୍ରାମରୁ ବିପୁଳ ସମ୍ବର୍ଦ୍ଧନା ଦିଆଯାଇଥିଲା । ଅତଲାପୁର ସରପଂଚ ପ୍ରଫୁଲ୍ଲ ସାହୁ, ସାମନ୍ତରାପୁର ସରପଂଚ ଅଭିମନୁ୍ୟ ମହାଳିକ, ରାଜେନ୍ଦ୍ରପୁର ସରପଂଚ ସୁଶାନ୍ତ କୁମାର ବେହେରା, ପ୍ରଭାତ ପୃଷ୍ଟିଙ୍କ ସମେତ ବିଜେଡିର ସକ୍ରୀୟ କର୍ମୀ ଓ ଲୋକପ୍ରତିନିଧି ଯୋଗ ଦେଇଥିଲେ ।
