ଓଡ଼ିଶାରେ ସବୁ ଆସନ ପାଇଁ ପ୍ରାର୍ଥୀ ଚୁଡ଼ାନ୍ତ ସରିଛି - ନିରଂଜନ

ଭୁବନେଶ୍ୱର,୬/୩(ସକାଳଖବର): ଆସନ୍ତା ସାଧାରଣ ନିର୍ବାଚନ ପାଇଁ ଦଳୀୟ ପ୍ରାର୍ଥୀ ତାଲିକା ସମ୍ପୂର୍ଣ୍ଣ ପ୍ରସ୍ତୁତ କରାଯାଇଛି । ଓଡ଼ିଶାରେ ୨୧ଟି ଲୋକସଭା ଏବଂ ୧୪୭ଟି ବିଧାନସଭା ଆସନ ପାଇଁ ଏହି ପ୍ରାର୍ଥୀ ଚୁଡ଼ାନ୍ତ ହୋଇଛି ବୋଲି ପିସିସି ସଭାପତି ନିରଂଜନ ପଟ୍ଟନାୟକ ପ୍ରକାଶ କରିଛନ୍ତି । ସେ କହିଛନ୍ତି ଯେ, ପ୍ରସ୍ତୁତ ହୋଇଥିବା ପ୍ରାର୍ଥୀ ତାଲିକାର ଅନୁମୋଦନ ପାଇଁ ସିଇସିକୁ ପଠାଯିବ । ଦଳର ରାଷ୍ଟ୍ରୀୟ ସଭାପତି ରାହୁଳ ଗାନ୍ଧୀ ଅନୁମୋଦନ କରିବା ପରେ ପ୍ରାର୍ଥୀ ମାନଙ୍କର ତାଲିକା ବିଧିବଦ୍ଧ ଭାବେ ଘୋଷଣା କରାଯିବ ବୋଲି ସେ କହିଛନ୍ତି । ସେ ଆହୁରି କହିଛନ୍ତି ଯେ, ଏଥିରେ ଯୁବକ, ମହିଳା ଏବଂ ବିଜୟ ସମ୍ଭାବନା ଥିବା ବ୍ୟକ୍ତି ମାନଙ୍କୁ ଅଗ୍ରାଧିକାର ଦିଆଯାଇଛି । ଆଜି ପୂର୍ବାହ୍ନରେ ସଭାପତି ଶ୍ରୀ ପଟ୍ଟନାୟକଙ୍କ ଅଧ୍ୟକ୍ଷତାରେ ପିଇସିର ବୈଠକ ବସିଥିଲା । ଏହି ବୈଠକ ଦୀର୍ଘ ସମୟ ଧରି ଚାଲିଥିଲା । ଉକ୍ତ ବୈଠକରେ ଓଡ଼ିଶାର ପ୍ରଭାରୀ ଜିତେନ ସିଂ ଏବଂ ବର୍ତମାନ ସାମୟିକ ପ୍ରଭାରୀ ଦାୟିତ୍ୱରେ ଥିବା ଟି. ଏସ୍. ସିଂଦେଓ ସମେତ ଚୟନ କମିଟିର ସମସ୍ତ ସଦସ୍ୟମାନେ ଉପସ୍ଥିତ ଥିଲେ ।