ପାଟକୁରାରେ ବିଜେଡି ପ୍ରାର୍ଥୀ ସାବିତ୍ରୀ ଅଗ୍ରୱାଲ ବିଜୟୀ

ଭୁବନେଶ୍ୱର, ୨୪/୭(ସକାଳଖବର): ପାଟକୁରା ବିଧାନସଭା ନିର୍ବାଚନରେ ବିଜେଡିର ବାଜିମାତ୍ ହୋଇଛି । ୧୯,୭୨୦ ଭୋଟ୍ ରେ ବିଜେଡି ଆଗୁଆ ରହିଛି । ବିଜେଡି ପ୍ରାର୍ଥୀ ଶ୍ରୀମତୀ ଅଗ୍ରୱାଲ ୯୬,୦୧୭ଖଣ୍ଡ ଭୋଟ୍ ପାଇଥିବା ବେଳେ ବିଜେପିର ବିଜୟ ମହାପାତ୍ର ୭୮, ୦୯୭ ଏବଂ କଂଗ୍ରେସ ପ୍ରାର୍ଥୀ ଜୟନ୍ତ ମହାନ୍ତି ୨୧୦୪ ଖଣ୍ଡ ଭୋଟ୍ ପାଇଛନ୍ତି । ସମାଜବାଦୀ ପାର୍ଟି ପ୍ରାର୍ଥୀ ପ୍ରଦୀପ କୁମାର ମିଶ୍ରଙ୍କୁ ୩୫୯ଟି ଓ କୃପା ପାର୍ଟି ପ୍ରାର୍ଥୀ ଶ୍ରୀକାନ୍ତ ସାମଲଙ୍କୁ ୧୪୯ଟି ଭୋଟ୍ ମିଳିଛି । ନିର୍ବାଚନ ମଇଦାନରେ ଥିବା ଅନ୍ୟ ୫ଜଣ ସ୍ୱାଧୀନ ପ୍ରାର୍ଥୀ ଯଥା ରତିକାନ୍ତ କାନୁନଗୋଙ୍କୁ ୪୦୮ଟି, ପରମାନନ୍ଦ ମହାରଣାଙ୍କୁ ୧୭୦ଟି, ପ୍ରଫୁଲ୍ଲ କୁମାର ବେହେରାଙ୍କୁ ୧୭୬ଟି, ସଞ୍ଜୟ କୁମାର ସ୍ୱାଇଁଙ୍କୁ ୧୪୧ଟି ଏବଂ ଦିବ୍ୟସିଂହ ଦାସଙ୍କୁ ୫୮ଟି ଭୋଟ୍ ମିଳିଛି । ନୋଟାରେ ୪୧୬ଟି ଭୋଟ୍ ପଡ଼ିଥିବା ଜଣାପଡ଼ିଛି । ୨୦ ତାରିଖ ଦିନ ଅନୁଷ୍ଠିତ ପାଟକୁରା ନିର୍ବାଚନରେ ମୋଟ ୨ ଲକ୍ଷ ୪୪ ହଜାର ୭୪୭ ଭୋଟରଙ୍କ ମଧ୍ୟରୁ ୭୨.୭୫% ଭୋଟ୍ ପଡ଼ିଥିଲା ।