କେଶରୀନାଥ ତ୍ରିପାଠୀଙ୍କ ପରଲୋକ
ଲକ୍ଷ୍ନୌ: ବରିଷ୍ଠ ବିଜେପି ନେତା ତଥା ପଶ୍ଚିମବଙ୍ଗର ପୂର୍ବତନ ରାଜ୍ୟପାଳ କେଶରୀନାଥ ତ୍ରିପାଠୀଙ୍କର ପରଲୋକ ହୋଇଯାଇଛି। ରବିବାର ଭୋର ୫ଟାରେ ଉତ୍ତର ପ୍ରଦେଶର ପ୍ରୟାଗରାଜରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୮୮ ବର୍ଷ ହୋଇଥିଲା।
ଉତ୍ତର ପ୍ରଦେଶ ବିଧାନସଭାରେ ତିନି ଥର ବାଚସ୍ପତି ରହିଥିବା କେଶରୀନାଥ ତ୍ରିପାଠୀଙ୍କୁ ନିଃଶ୍ୱାସ ପ୍ରଶ୍ୱାସ ନେବାରେ ଅସୁବିଧା ହେବାରୁ ତଥା ତାଙ୍କର ଗୋଟିଏ ହାତ ଫ୍ରାକ୍ଚର ହୋଇଯିବାରୁ ଗତ ମାସରେ ତାଙ୍କୁ ସ୍ଥାନୀୟ ଏକ ଘରୋଇ ହସ୍ପିଟାଲ୍ରେ ଭର୍ତ୍ତି କରାଯାଇଥିଲା। ସେ ଖାଦ୍ୟ କମାଇ ଦେଇଥିଲେ। ତାଙ୍କର ପରିସ୍ରା ସମସ୍ୟା ମଧ୍ୟ ଥିଲା। ତେଣୁ ତାଙ୍କୁ ଆଇସିୟୁରେ ରଖାଯାଇଥିଲା। ସେଠାରେ ଏକ ସପ୍ତାହରୁ ଅଧିକ ଦିନ ରଖିବା ପରେ ପରିବାର ଲୋକେ ତାଙ୍କୁ ଘରକୁ ଆଣିଥିଲେ। ଆଉ ଆଜି ଭୋରରେ ତାଙ୍କର ପରଲୋକ ହୋଇଯାଇଛି।
