ପୁଣି କଟକରୁ ଜବତ ହେଲା ନକଲି ଟାଟା ଟି

Nov 18, 2022 - 06:12
 39
ପୁଣି କଟକରୁ ଜବତ ହେଲା ନକଲି ଟାଟା ଟି
ସାଲେପୁର: ରୂପାର ସହରରେ ଲାଗୁଛି କଳଙ୍କି । ଦିନକୁ ଦିନ କଟକରେ ବଢିଚାଲିଛି ନକଲି ଜିନିଷର କାରବାର । ନକଟରେ ନକଲି ତେଲ, ଘିଅ, ଡିଟରଜେଣ୍ଟଫ୍ୟାକ୍ଟ୍ରି,ମସଲା, ସସ୍ ଓ ଜର୍ଦ୍ଧା କରାଖାନା କଟକ ଜିଲ୍ଲାରୁ ଠାବ ହେବା ପରେ ନକଲି ଟାଟା ଚାହା ଜବତ କରିଛି ପୁଲିସ । ଏହି ଘଟଣାରେ ପୁଲିସ ଜଣେ ବ୍ୟବସାୟୀଙ୍କୁ ଗିରଫ କରିଛି । ଗିରଫ ବ୍ୟକ୍ତି ଜଣଙ୍କ ହେଲେ ଏସ କେ ରିଜବାନ । ସୂଚନା ଅନୁସାରେ ନିଶ୍ଚିନ୍ତକୋଇଲି ଥାନା କଟିକଟା ବଜାରର ଏକ ଭେରାଇଟି ଷ୍ଟୋରରେ ରିଜବାନ ନକଲି ଚାହା ବିକ୍ରୀ କରୁଥିବା ପୁଲିସ କୌଣସି ସୂତ୍ରରୁ ଖବର ପାଇଥିଲା । ଏହାନପରେ ଗତକାଲି ନିଶ୍ଚିନ୍ତକୋଇଲି ପୁଲିସ ହଠାତ୍ ଦୋକାନ ଉପରେ ଚଢାଉ କରିଥିଲା । ଚଢାଉ ବେଳେ ବହୁ ସଂଖ୍ୟାରେ ଟାଟା ଚାହା ପ୍ୟାକେଟ ଜବତ କରିଥିଲା । ବର୍ତ୍ତମାନ ଏ ନକଲି ଟାଟା ଟି କାରବାରରେ କେଉଁମାନେ ଜଡିତ ରହିଛନ୍ତି, ସେ ନେଇ ପୋଲିସ ଖୋଳତାଡ କରୁଛି ।