୮ ଫୁଟର ଅହିରାଜ ଉଦ୍ଧାର

ଅନୁଗୋଳ, ୨୦/୧୦ (ସକାଳଖବର): ଅନୁଗୋଳ ଜିଲ୍ଲା ସାତକୋଶିଆ ବ୍ୟାଘ୍ର ପ୍ରକଳ୍ପର ଟିକରପଡ଼ା ରେଞ୍ଜ କାର୍ଯ୍ୟାଳୟ ସାମ୍ନା ଆମ୍ବତୋଟାରୁ ଆଜି ଏକ ୮ ଫୁଟ ଲମ୍ବର ଅହିରାଜ ସାପକୁ ଉଦ୍ଧାର କରିବା ସହିତ ସୁରକ୍ଷିତ ଅଞ୍ଚଳରେ ଛାଡ଼ି ଦେଇଛନ୍ତି । ଖବର ନେବାରେ ଜଣାଯାଇଛି ଯେ ବନ ବିଭାଗ କର୍ମଚାରୀ ଲକ୍ଷ୍ମଣ ବେହେରା ସାପଟିକୁ ଦେଖିଥିଲେ । ତେବେ ନିକଟରେ ଜନବସତି ଘରଦ୍ୱାର ଥିବାରୁ ସେ ସର୍ପମିତ୍ର ଆଦିତ୍ୟ ବେହେରାଙ୍କୁ ଯୋଗାଯୋଗ କରିଥିଲେ । ଆଦିତ୍ୟ ଏବଂ ତାଙ୍କ ସାଥି ମାଇକେଲ ରାଜୁ, ବିଜୟ ଭୋଇ ରାକେଶ ରୋଷନ ଦାଶ ଏବଂ ମନୁ ବାରିକ ପ୍ରମୁଖ ଘଟଣାସ୍ଥଳରେ ପହଞ୍ଚି ବନବିଭାଗ ଏବଂ ଗ୍ରାମବାସୀଙ୍କ ସହଯୋଗରେ ସଫଳତାର ସହ ସାପଟିକୁ ଉଦ୍ଧାର କରିଥିଲେ । ପରେ ଟିକରପଡ଼ା ବନାଞ୍ଚଳ ଅଧିବାସୀଙ୍କ ଉପସ୍ଥିତିରେ ସୁରକ୍ଷିତ ସ୍ଥାନରେ ଛାଡ଼ି ଦେଇଥିଲେ ।