ରାଉରକେଲାରେ ସେକ୍ସ ରାକେଟ ଠାବ: ୫ ଦେହଜୀବୀ ସହ ଜଣେ ଗ୍ରାହକ ଗିରଫ, ଦଲାଲ ଫେରାର

ରାଉରକେଲା: ରାଉରକେଲାରେ ଦୀର୍ଘ ଦିନ ବ୍ୟବଧାନରେ ଏକ ସେକ୍ସ ରାକେଟ ଠାବ ହୋଇଛି। ସହରର କେନ୍ଦ୍ରସ୍ଥଳୀ କୁହାଯାଉଥିବା ଛେଣ୍ଡ କଲୋନିରେ ଏହି ସେକ୍ସ ରାକେଟ ଠାବ ହୋଇଥିବା ବେଳେ ଘଟଣାସ୍ଥଳରୁ ୫ ଜଣ ଦେହଜୀବୀଙ୍କ ସହ ଜଣେ ଗ୍ରାହକଙ୍କୁ ପୁଲିସ ଗିରଫ କରିଛି। ସୂଚନା ଅନୁଯାୟୀ, ଛେଣ୍ଡ କଲୋନି ଇସିଆର-୨୧୬ ରେ ଏହି ବଡ଼ ଧରଣର ସେକ୍ସ ରାକେଟ ଠାବ ହୋଉଛିl ଛେଣ୍ଡ ଥାନା ପୁଲିସ ଓ ସ୍ପେସିଆଲ ସ୍କ୍ବାଡ୍ ମିଳିତ ଭାବେ ଚଢ଼ଉ କରି ୫ ବଙ୍ଗୀୟ ମହିଳା ଓ ଯୁବତୀଙ୍କ ସହ ଜଣେ ଗ୍ରାହକଙ୍କୁ ଗିରଫ କରିଛି। ଗତ ତିନି ମାସ ଧରି ଏହି ଘରେ ଦେହ ବ୍ୟବସାୟ ଚାଲିଥିଲା। ଘଟଣାସ୍ଥଳରୁ ଦଲାଲ ଫେରାର ହୋଇଯାଇଛି। ସେକ୍ସ ରାକେଟ ସଂପର୍କରେ ସ୍ଥାନୀୟ ଲୋକେ ଜାଣିଥିଲେ ବି ପୁଲିସ ନିକଟରେ ଅଭିଯୋଗ କରୁ ନଥିଲେ। ତେବେ ବିଶ୍ବସ୍ତ ସୂତ୍ରରୁ ଖବର ପାଇ ଆଜି ପୁଲିସ ଚଢ଼ଉ କରିଥିଲା। ଦଲାଲ୍ ଉକ୍ତ ଘରକୁ ମାସିକ ୧୫ ହଜାର ଟଙ୍କାରେ ଭଡ଼ା ସୂତ୍ରରେ ନେଇ ସେକ୍ସ ରାକେଟ ଚଳାଉଥିବା ଜଣାଯାଇଛି।