ପୂର୍ବତନ ବାଚସ୍ପତି ସୋମନାଥ ଚାଟର୍ଜୀଙ୍କ ପରଲୋକ
ଭୁବନେଶ୍ୱର,୧୩/୮ (ସକାଳଖବର): ଲୋକସଭାର ପୂର୍ବତନ ବାଚସ୍ପତି ସୋମନାଥ ଚାଟାର୍ଜୀଙ୍କର ସୋମବାର ଦିନ ପରଲୋକ ହୋଇଯାଇଛି। ହୃଦ୍ଘାତରେ ଆକ୍ରାନ୍ତ ହେବା ପରେ ତାଙ୍କୁ କୋଲ୍କାତାର ଏକ ଡାକ୍ତରଖାନାରେ ଭେଣ୍ଟିଲେଟର୍ରେ ସହାୟତାରେ ରଖାଯାଇଥିଲା।
୮୯ ବର୍ଷିୟ ଚାଟାର୍ଜୀ ବୃକ୍କକଜନିତ ରୋଗରେ ଆକ୍ରାନ୍ତ ହୋଇଥିଲେ। ମଙ୍ଗଳବାର ଦିନ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏହି ବର୍ଷିୟାନ୍ ରାଜନେତାଙ୍କ ସ୍ୱାସ୍ଥ୍ୟାବସ୍ଥା ଉପରେ ଏକ ୧୨ ଜଣିଆ ଡାକ୍ତରୀ ଦଳ ଦୃଷ୍ଟି ରଖିଥିଲେ।
ଗତ ମାସରେ ଚାଟାର୍ଜୀ ହେମୋରେଜିକ୍ ଷ୍ଟ୍ରୋକ୍ର ଶିକାର ହୋଇଥିଲେ।
ସାଂସଦ ଭାବରେ ସେ ୧୦ ଥର ଲୋକସଭା ସାଂସଦ ହୋଇଥିଲେ ଓ ସିପିଆଇ (ଏମ୍)ର କେନ୍ଦ୍ରୀୟ କମିଟି ସଦସ୍ୟ ଥିଲେ। ୧୯୬୮ ମସିହାରେ ସେ ରାଜନୀତି ଦୁନିଆରେ ପାଦ ଦେଇଥିଲେ।୨୦୦୪ ରୁ ୨୦୦୯ ଯାଏଁ ସେ ଲୋକସଭାରେ ବାଚସ୍ପତି ହୋଇଥିଲେ।
ଜଣେ କମ୍ୟୁନିଷ୍ଟ ନେତା ଭାବେ ଦେଶ ବିଦେଶରେ ତାଙ୍କର ଖୁବ ସୁନାମ ରହିଛି । ତାଙ୍କର ମୃତ୍ୟୁ ଖବର ସାରା ଭାରତରେ ଶୋକର ପରିବେଶ ସୃଷ୍ଟି ହୋଇଛି ।
