ଭୁବନେଶ୍ୱର ଆସିବେ ମୋଦି

ସକାଳ ଖବର,ଭୁବନେଶ୍ୱର: ନିର୍ବାଚନ ପ୍ରଚାର ପରିପ୍ରେକ୍ଷୀରେ ଆସନ୍ତା ୧୬ ତାରିଖ ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣି ଓଡ଼ିଶା ଗସ୍ତରେ ଆସୁଛନ୍ତି । ଏହି ଅବସରରେ ରାଜଧାନୀ ଭୁବନେଶ୍ୱରରେ ରୋଡ ଶୋ’ ସହ ସାଧାରଣ ସଭାରେ ମୋଦି ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ତେବେ ମୋଦିଙ୍କ ଗସ୍ତ ଅବସରରେ ଭୁବନେଶ୍ୱରସ୍ଥ ବିଜୁ ପଟ୍ଟନାୟକ ବିମାନ ବନ୍ଦରରୁ ବରମୁଣ୍ଡା ପଡ଼ିଆ ପର୍ଯ୍ୟନ୍ତ ଏକ ରୋଡ ଶୋ’ କରାଯିବ । ଏହି ରୋଡ ଶୋ’ ବିମାନବନ୍ଦରରୁ ବାହାରି ଗଙ୍ଗନଗର, ଓୟୁଏଟି ଦେଇ ଯିବ । ସିଟି ଓମେନ୍ସ କଲେଜ ଓ ବରମୁଣ୍ଡା ଶିବ ମନ୍ଦିର ଦେଇ ଏହି ରୋଡ ଶୋ’ ବରମୁଣ୍ଡାରେ ପହଞ୍ଚିବ । ବରମୁଣ୍ଡା ପଡ଼ିଆରେ ଦିନ ୨ଟାରେ ମୋଦିଙ୍କ ସାଧାରଣ ସଭା ଅନୁଷ୍ଠିତ ହେବ ବୋଲି ରାଜ୍ୟ ଉପସଭାପତି ସମୀର ମହାନ୍ତି ସୂଚନା ଦେଇଛନ୍ତି ।