ଫୁଲବାଣୀରେ ବିଜେପିର ନିର୍ବାଚନୀ ପ୍ରଚାର

କନ୍ଧମାଳ,୧୩/୪(ସକାଳଖବର): ବିଜେପି ପକ୍ଷରୁ ଏକ ପଥପ୍ରାନ୍ତ ନିର୍ବାଚନୀ ସଭା ବଜାର ପେଟୋ୍ରଲଟାଙ୍କି ଛକଠାରେ ଅନୁଷ୍ଠିତ ହୋଇଯାଇଛି । ଆଇନଜୀବୀ ବନ ମହାନ୍ତିଙ୍କ ପରିଚାଳନାରେ ଶୁକ୍ରବାର ସଂନ୍ଧ୍ୟାରେ ଅନୁଷ୍ଠିତ ଏହି ସଭାରେ ବରିଷ୍ଠ ନେତା ଅଶୋକ ସାହୁ, ଜିଲ୍ଲା ସଭାପତି ଲିଙ୍ଗରାଜ ଦଳବେହେରା, ସ୍ୱଚ୍ଛଭାରତ ଅଭିଯାନର ଜିଲ୍ଲା ସଂଯୋଜକ ଡ. ରବି ନାରାୟଣ ନନ୍ଦ, ମହିଳା ନେତ୍ରୀ ସବିତା ଦେବୀ ପ୍ରମୁଖ ଯୋଗ ଦେଇ ରାଜ୍ୟରେ ୧୯ ବର୍ଷର ବିଜେଡି ସରକାରଙ୍କ ସମାଲୋଚନା କରିବା ସହ କେନ୍ଦ୍ରର ୫ ବର୍ଷର ମୋଦି ସରକାରଙ୍କ ସଫଲତା କହିଥିଲେ । ଦେଶର ବିକାଶ ଧାରାକୁ ଆଗେଇ ନେବା ସହ ଓଡିଶାକୁ ଦେଶର ବିକାଶ ଧାରାରେ ସାମିଲ କରିବାକୁ ଚଳିତ ସାଧାରଣ ନିର୍ବାଚନରେ କନ୍ଧମାଳର ସାଂସଦ ପ୍ରାର୍ଥୀ ଖାରବେଳ ସ୍ୱାଇଁ ଓ ଫୁଲବାଣୀ ବିଧାୟକ ପ୍ରାର୍ଥୀ ଦେବ ନାରାୟଣ ପ୍ରଧାନଙ୍କୁ ଭୋଟ ଦେଇ ଜିତାଇବାକୁ ବକ୍ତାମାନେ ସଭାରେ ଆହ୍ୱାନ କରିଥିଲେ ।