ବିବାହ ପରେ କ୍ୟାଟ୍ରିନା କୈଫ୍ ପାଳନ କଲେ ପ୍ରଥମ ଲୋହରୀ
ନୂଆଦିଲ୍ଲୀ : ବର୍ତ୍ତମାନ ବଲିଉଡ୍ ଇଣ୍ଡଷ୍ଟ୍ରିର ସବୁଠାରୁ ଚର୍ଚ୍ଚିତ ଯୋଡି ହେଉଛନ୍ତି ଭିକି-କ୍ୟାଟ୍ରିନା । ସେ ଏବେ ସମସ୍ତଙ୍କର ମୋଷ୍ଟ ପପୁଲାର ତଥା ଲୋକପ୍ରିୟ କପଲ ହୋଇଛନ୍ତି । ନିକଟରେ କ୍ୟାଟ୍ରିନା ଏବଂ ଭିକିଙ୍କ ବିବାହକୁ ଏକ ମାସ ପୁରିଥିଲା । ସେ ବିବାହ ପରେ ଦୁହେଁ ଏକାଠି ପ୍ରଥମ ଥର ପାଇଁ ବଡଦିନ ପାଳନ କରିଥିଲେ । ଯାହାର ଫଟୋ ସୋସିଆଲ ମିଡିଆରେ ଖୁବ୍ ଭାଇରାଲ୍ ହେଉଥିଲା । ଏବେ ପୁଣି ଦୁହେଁ ଏକାଠି ଆଉ ଏକ ପୂଜା କରିଛନ୍ତି ।
ଲୋହରୀ ପର୍ବ ଦେଶର ଅନେକ ସ୍ଥାନରେ ପାଳନ କରାଯାଇଥିଲା। ବିଶେଷକରି ପଞ୍ଜାବ ସମେତ ଉତ୍ତର ଭାରତରେ ଏହି ପର୍ବର ବହୁତ ଗୁରୁତ୍ୱ ରହିଛି । ବଲିଉଡର ଅନେକ ସେଲିବ୍ରିଟି କପଲ ଅଛନ୍ତି, ଯେଉଁମାନେ ଏହାକୁ ଖୁବ୍ ଧୁମଧାମ୍ରେ ପାଳନ କରିଛନ୍ତି । ହେଲେ ଏବେ କ୍ୟାଟ୍ରିନା ଓ ଭିକି ମଧ୍ୟ ଏହାକୁ ଖୁବ୍ ଉତ୍ସାହ ସହ ଏକାଠି ପାଳନ କରିଥିଲେ। କ୍ୟାଟ୍ରିନା ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଅନେକ ଫଟୋ ପୋଷ୍ଟ କରିଛନ୍ତି।
ଏହାରି ମଧ୍ୟରେ ସେୟାର ହୋଇଥିବା ଫଟୋ ଗୁଡିକରେ ଦୁହେଁ ଠିଆ ହୋଇ ଲୋହରୀ ନିଆଁ ଜଳାଯାଉଛି। କ୍ୟାଟ୍ରିନା ଏକ ଟ୍ରାଡିସନାଲ ଲୁକ୍ରେ ଦେଖିବାକୁ ମିଳିଛନ୍ତି । ଦୁହେଁ ଖୁବ୍ ଖୁସିଥିବାର ନଜର ଆସିଛନ୍ତି । ତେବେ କ୍ୟାଟ୍ରିନାଙ୍କ ଦ୍ୱାରା ସେୟାର ହୋଇଥିବା ଏହି ଫଟୋ ଗୁଡ଼ିକ ଖୁବ୍ ଭାଇରାଲ୍ ହେବା ସହ ତାଙ୍କ ପ୍ରଶଂସକମାନେ କମେଣ୍ଟ ଦେଇ ବହୁତ ପ୍ରେମ ବ୍ୟକ୍ତ କରିଛନ୍ତି ।
