ବଜ୍ରପାତରେ ଜଣେ ମହିଳା ସମେତ ଦୁଇ ମୃତ

ବାରିପଦା:୮/୬(ସକାଳକବର)- ଆଜି ଅପରାହ୍ନରେ ମୟୁରଭଞ ଜିଲାର ଭିନ୍ନ ଭିନ୍ନ ସ୍ଥାନରେ ବଜ୍ରପାତ ଘଟି ଜଣେ ମହିଳା ଙ୍କ ସମେତ ଦୁଇଜଣଙ୍କର ଘଟଣା ସ୍ଥଳରେ ଆକଷ୍ମିକ ମୃତ୍ୟୁ ଘଟିଅଛି । ଜିଲାର ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ଦାଣ୍ଡପୋଷ ଗ୍ରାମରେ ପାନବତୀ ହେମ୍ବ୍ରମ ଙ୍କର ବଜ୍ରପାତରେ ମୃତ୍ୟୁଘଟିଅଛି । ସିଏ ନିଜ ବିଲରେ କାମକରୁଥିବାବେଳେ ହଠାତ ବଜ୍ରପାତ ଘଟିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁଘଟିଥିଲା । ସେହିପରି ଅନ୍ୟ ଏକ ଘଟଣା କ୍ରମେ ଚଢେଇଭୋଳ ଥାନା ଅଞ୍ଚଳର ପଳସା ଗ୍ରାମର ଧରଧୀଧର ନାୟକ (୪୫) କରଞିଆରୁ ନିଜ ଗ୍ରାମ ପଳସା କୁ ବାଇକରେ ଛେଳି ନେଇ ଯାଉଥିବା ବେଳେ ହଠାତ୍ ବର୍ଷା ଆସିବାରୁ ଚଢେଇଭୋଳ ଠାରେ ଛିଡା ହୋଇଥିବା ସମୟରେ ବଜ୍ରପାତ ଘଟିବାରୁ ଘଟଣ ।ସ୍ଥଳରେ ତାଙ୍କର ମୃତ୍ୟୁ ଘଟିଅଛି ।