ପୋଲିସ ନିଯୁକ୍ତି ପରୀକ୍ଷାବେଳେ ୩ ଯୁବକ ଗୁରୁତର

ବୌଦ୍ଧ,୯/୮( ସକାଳଖବର):ବୌଦ୍ଧରେ ପୋଲିସ କନେଷ୍ଟବଳ ନିଯୁକ୍ତି ପାଇଁ ଶାରିରୀକ ପରୀକ୍ଷା ଚାଲିଥିବାବେଳେ ତିନି ଜଣ ଯୁବକ ଗୁରୁତର ଅବସ୍ଥାରେ ବୌଦ୍ଧ ମୁଖ୍ୟ ଚିକିତ୍ସାଳୟରେ ଭର୍ତି ହୋଇଥିବା ଜଣାଯାଇଛି । ସୂଚନା ମୁତାବକ ସକାଳୁ କନେଷ୍ଟବଳ ନିଯୁକ୍ତି ପାଇଁ ସ୍ଥାନୀୟ ପରେଡ ପଡିଆ ଠାରେ ଦୌଡ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି ପ୍ରତିଯୋଗିତା ଚାଲିଥିବାବେଳେ ନିର୍ଦ୍ଧାରିତ ସମୟ ମଧ୍ୟରେ ପଡିଆରେ ଦୌଡିବାକୁ କୁହାଯାଇଥିଲା । କିନ୍ତୁ ଦୌଡୁଥିବାବେଳେ ବୌଦ୍ଧଜିଲା ସାଲେଇସିଂହ ଗ୍ରାମର ପ୍ରଭାତ କୁମାର ପ୍ରଧାନ, ବଢିଗାଁ ର ଦୁଷ୍ମନ୍ତ ପ୍ରଧାନ ଓ ଆମଠାପଡାର ବିପିନ ସାହୁ ହାଲିଆ ହୋଇ ଗୁରୁତର ଭାବରେ ଅସୁସ୍ଥ ହୋଇପଡିବାରୁ ଆମ୍ବୁଲେନସ ଯୋଗେ ତାଙ୍କୁ ତୁରନ୍ତ ଜିଲା ମୁଖ୍ୟଚିକିତ୍ସାଳୟରେ ଭର୍ତି କରାଯାଇଥିଲା । ତେବେ ପ୍ରଭାତ ଓ ଦୁଷ୍ମନ୍ତ ସୁସ୍ଥ ହୋଇ ଘରକୁ ଫେରିଥିବାବେଳେ ବିପିନ ଏବେ ମଧ୍ୟ ଚିକିତ୍ସିତ ହେଉଥିବା ଜଣାଯାଇଛି ।