ପୀତାମ୍ବର ଆଚାର୍ଯ୍ୟଙ୍କ ନାଁରେ ଆସିକା ଥାନାରେ ମାମଲା ରୁଜୁ
ଭୁବନେଶ୍ୱର, ୩୦/୩(ସକାଳଖବର): ମୁଁ ନାଲି ଆଖିକୁ ଡରିନାହିଁ । କି ପୋଲିସ୍ କୁ ଡରିନାହିଁବୋଲି ହିଂଜିଳିର ପ୍ରାର୍ଥୀ ହୋଇଥିବା ବିଜେପି ଉପସଭାପତି ପୀତାମ୍ବର ଆଚାର୍ଯ୍ୟ ପ୍ରକାଶ କରିଛନ୍ତି । ଅନ୍ୟପକ୍ଷରେ ତାଙ୍କୁ ଗିରଫ କରିବା ପାଇଁ ସେ ଓଡିଶା ପୋଲିସ୍ କୁ ଆହ୍ୱାନ ମଧ୍ୟ ଦେଇଛନ୍ତିି । ଆସିକା ଥାନାରେ ତାଙ୍କ ବିରୁଦ୍ଧରେ ଏକ ମାମଲା ରୁଜୁ ହୋଇଛି । କାର୍ଯ୍ୟରତ ପୋଲିସ୍ ଅଧିକାରୀ ଓ କାର୍ଯ୍ୟକାରୀ ମାଜିଷ୍ଟ୍ରେଟ୍ ବିଶ୍ୱନାଥ ବେହେରାଙ୍କୁ ଦୁର୍ବ୍ୟବହାର କରିଥିବା ଅଭିଯୋଗରେ ତାଙ୍କ ବିରୁଦ୍ଧରେ ଏହି ମାମଲା ରୁଜୁ ହୋଇଛି । ଗତକାଲି ପ୍ରଚାରରେ ଯାଉଥିବା ବେଳେ ପିତଳ ଠାରେ ପୋଲିସ୍ ତାଙ୍କୁ ଅଟକାଇଥିଲା । କଣପାଇଁ ଅଟକାଇଛନ୍ତି ବୋଲି ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏହି ସମୟର ଭିଡିଓ ଭାଇରାଲ ହୋଇଥିଲା ।
ଆସନ୍ନ ପରାଜୟରେ ନବୀନ ବାବୁ ବିଚଳିତ ହୋଇ ପଡିଛନ୍ତି । ନବୀନ ବାବୁଙ୍କ ପ୍ରଶାସନ ତାଙ୍କୁ ଅପରାଧୀ ଭାବେ ଚିତ୍ରଣ କରିବାର ଉଦ୍ୟମ କରୁଛନ୍ତି । ମୁଖ୍ୟମନ୍ତ୍ରୀଙ୍କର ସେ ପ୍ରତିଦ୍ୱନ୍ଦି । ତାଙ୍କୁ ଗିରଫ କରାଯାଉ କେିମ୍ବା ଜେଲରେ ରଖାଯାଉ । ତାସତ୍ୱେ ବି ସେ ଜିତିବେ । ଅନ୍ୟାୟ ଓ ଅତ୍ୟାଚାର ବିରୋଧରେ ସେ ସ୍ୱର ଉତୋଳନ ଜାରୀ ରଖିବେ ବୋଲି କହିଛନ୍ତି ।
