ପର୍ଯ୍ୟଟକମାନଙ୍କୁ ଆକ୍ରମଣ

ବାରିପଦା,୨୬/୦୯(ସକାଳଖବର):ଆଜି ବାରିପଦାବାସୀଙ୍କ ଭାଇଚାରାର ଗାରିମାରେ ଆଞ୍ଚ ପହଁଞ୍ଚାଇଛନ୍ତି କେତେକ ଯୁବକ । ଅତିଥି ଭଗବାନ ସଦୃଶ ହୋଇଥିବା ବେଳେ ଜିଲ୍ଲାର ଶାମାଖୁଣ୍ଟା ବ୍ଲକସ୍ଥିତ ସୀତାକୁଣ୍ଡ ପର୍ଯ୍ୟଟନସ୍ଥଳକୁ ଦର୍ଶନ ନିମନ୍ତେ ଆସିଥିବା ପଶ୍ଚିମବଙ୍ଗ ରାଜ୍ୟ ଦୀଘା ଅଞ୍ଚଳରୁ ଚାରିଚକିଆ ଯାନରେ ଆସିବା ୧୮ ଜଣ ପର୍ଯ୍ୟଟକଙ୍କୁ କେତେକ ଯୁବକ ପ୍ରଥମେ ପୋଡ଼ାଅସ୍ତିଆ ଓ ପରେ କୃଷ୍ଣଚନ୍ଦ୍ର ଗୋଲେଇରେ ଗାଡ଼ିକୁ ଅଟକାଇ ସେମାନଙ୍କୁ ଆକ୍ରମଣ କରି ଆହତ କରିଛନ୍ତି । ୩ ଜଣ ଯୁବକ ବଙ୍ଗାଳୀ ମହିଳା ପର୍ଯ୍ୟଟକମାନଙ୍କୁ କମେଣ୍ଟ ମାରିବାରୁ ଉଭୟ ପକ୍ଷ ମଧ୍ୟରେ ଆରମ୍ଭ ହୋଇଥିଲା ଧସ୍ତାଧସ୍ତି । ସୁଯୋଗ ଉଣ୍ଡାଇ ବଙ୍ଗୀୟ ପର୍ଯ୍ୟଟକମାନେ ଖସି ପଳାଇ ଆସିଥିଲେ । ମାତ୍ର ଯୁବକମାନେ ସେମାନଙ୍କ ଗାଡ଼ିକୁ ଅନୁସରଣ କରି ପୋଡ଼ାଅସ୍ତିଆ ନିକଟରେ ଗାଡ଼ିକୁ ଅଟକାଇ ସେମାନଙ୍କୁ ଅକ୍ରମଣ କରିିଲେ । ମାଡ ଖÿାଇ ମଧ୍ୟ ପର୍ଯ୍ୟଟକମାନେ ସେଠାରୁ ପଳାଉଥିବା ବେଳେ ପୁଣି ଥରେ ବାରିପଦା ସହରର କୃଷ୍ଣଚନ୍ଦ୍ର ଗୋଲେଇ ନିକଟରେ ଯୁବକମାନେ ଗାଡ଼ିକୁ ଅଟକାଇ ମହିଳା ସହିତ ସମସ୍ତଙ୍କୁ ନିସ୍ତୁକ ମାଡ଼ମାରିବା ସଂଗେସଂଗେ ସେମାନଙ୍କ ଜିନିଷପତ୍ର ମଧ୍ୟ ଛଡ଼ାଇ ନେଇଥିଲେ । ଯୁବକମାନଙ୍କର ଏହି ପ୍ରକାରର କାଣ୍ଡକାରକାଖାନାକୁ ବିଭିନ୍ନ ମହଲରେ ନିନ୍ଦା କରାଯାଇଛି ।