ନିଜ ବନ୍ଧୁକ ଗୁଳିରେ ଗଲା ଥାନା ବାବୁଙ୍କ ଜୀବନ

ବ୍ରହ୍ମପୁର: ଗୁଳି ବାଜି ଗାଙ୍ଗପୁର ଥାନା ଆଇଆଇସିଙ୍କ ମୃତ୍ୟୁ ଘଟିଛି। ତାଙ୍କ ନାଁ ଦେବ୍ କୁମାର ଗମାଙ୍ଗ। ଆଇଆଇସିଙ୍କ ମୃତ୍ୟୁ ନେଇ ଗଂଜାମ ଏସ୍‌ପି ସୂଚନା ଦେଇଛନ୍ତି। ଆଇଆଇସିଙ୍କୁ ଗୁରୁତର ଅବସ୍ଥାରେ ଆସିକା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ। ତେବେ ନିଜ ବନ୍ଧୁକରୁ ଗୁଳି ବାଜି ଆଇଆଇସିଙ୍କ ମୃତ୍ୟୁ ଘଟିଥିବା ଜଣାଯାଇଛି। ଦୁଇଟି ଗୁଳି ତାଙ୍କ ଅଣ୍ଟା ତଳେ ବାଜିଛି। ଅସାବଧାନ କାରଣରୁ ଗୁଳି ବାଜିଲା ନା ଆଇଆଇସି ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ ତାହାର କାରଣ ସ୍ପଷ୍ଟ ହୋଇ ନାହିଁ।