ନବମ ଶ୍ରେଣୀ ଛାତ୍ରୀଙ୍କୁ ଦୁଷ୍କର୍ମ ଅଭିଯୋଗ

ଅନୁଗୋଳ,୭/୨(ସକାଳଖବର): ଅନୁଗୋଳ ଥାନା କୁମଣ୍ଡ ଗାଁର ଜଣେ ନବମ ଶ୍ରେଣୀ ଛାତ୍ରୀଙ୍କୁ ତାଙ୍କ ସମ୍ପର୍କୀୟ ବବା ପୁଅ ଭାଇ ଦୁଷ୍କର୍ମ କରିଥିବା ନେଇ ଥାନାରେ ଅଭିଯୋଗ ହୋଇଛି । ପୁଲିସ ଏହି ଘଟଣାର ସମ୍ପୂର୍ଣ୍ଣ ଯୁବକଙ୍କୁ ଗିରଫ କରିଥିବାବେଳେ ନାବାଳିକା ଛାତ୍ରୀଙ୍କୁ ଉଦ୍ଧାର କରିଥିବା ଜଣାପଡ଼ିଛି । ଘଟଣାରୁ ପ୍ରକାଶ ଯେ କୁମଣ୍ଡ ଗାଁର ସୁମିତ ସ୍ୱାଇଁ ନାମକ ଜଣେ ଯୁବକ ତାର ସଂପର୍କୀୟ ଭଉଣୀ ତଥା ନବମୀ ଶ୍ରେଣୀର ନାବାଳିକା ଛାତ୍ରୀଙ୍କୁ ବୁଧବାର ଦିନ ବଳପୂର୍ବକ ଘରୁ ନେଇ ଯାଇଥିଲା । ଆଉ ଆଠଗଡ଼ ପାଖରେ ତାଙ୍କୁ ଦୁଷ୍କର୍ମ କରିଥିବା ନେଇ ତାଙ୍କ ପରିବାର ଲୋକ ଅଭିଯୋଗ କରିଛନ୍ତି । ତେବେ ପୁଲଇସ ଆଜି ସୁମିତ ଓ ନାବାଳିକାକୁ ଭୂବନେଶ୍ୱର ରେଳ ଷ୍ଟେସନରୁ ଉଦ୍ଧାର କରିଛି । ପରିବାର ଲୋକଙ୍କ ଅଭିଯୋଗକୁ ଭିତ୍ତିକରି ପୁଲିସ ସୁମିତକୁ ଗିରଫ କରିଥିବା ଜଣାଯାଇଛି ।