ଦୁଇ ଟେମ୍ପୋ ମୁହାଁମୁହିଁ , ୧ ନାବାଳକ ମୃତ

ଅନୁଗୋଳÿ, ୧୯/୯ (ସକାଳଖବର): ଆଜି ସନ୍ଧ୍ୟାରେ ନାଲକୋ ଥାନା ଅନ୍ତର୍ଗତ ଗିରାଙ୍ଗ ବାଲିସାହି ଠାରେ ଗୋଟିଏ ଯାତ୍ରୀବାହି ଅଟୋ ଏବଂ ଏକ ମାଲବୁହା ଆଟୋ ମଧ୍ୟରେ ମୁହାଁମୁହିଁ ଧକ୍କା ହେବାରୁ ଅମିତ୍ ମହାନ୍ତି ନାମକ ଜଣେ ୬ ବର୍ଷର ନାବାଳକଙ୍କ ଚିକିସôିତ ଅବସ୍ଥାରେ ଅନୁଗୋଳ ଡ଼ାକ୍ତରଖାନାରେ ମୃତ୍ୟୁ ଘଟିଥିବା ଜଣାଯାଇଛି ଏବଂ ଅନ୍ୟ ୬ଜଣ ଯାତ୍ରୀ ଗୁରୁତର ଆହତ ହୋଇଥିବାବେଳେ ୨ଜଣଙ୍କ ଅବସ୍ଥା ସଂପଟାପନ୍ନ ରହିଥିବା ଜଣାଯାଇଛି । ଘଟଣାରୁ ପ୍ରକାଶ ଯେ, ତାଳଚେର କଙ୍କିନାଳୀ ଗାଁରୁ (ଓଡ଼ି ୩୫ ସି - ୧୯୧୦) ନାମକ ଯାତ୍ରୀବାହି ଅଟୋ ଯୋଗେ ନାଲକୋ ବିଶ୍ୱକର୍ମା ଦେଖିବାକୁ ଆସୁଥିବାବେଳେ ବିପରୀତ ଦିଗରୁ ମାଲବାହୀ ଅଟୋ (ଓଡ଼ି ୧୯ ଏଫ୍ - ୫୫୨୧) ସହିତ ମୁହାଁମୁହିଁ ଧକ୍କା ହୋଇଥିଲା । ଘଟଣାସ୍ଥଳରେ ସମସ୍ତେ ଛିଟିକି ପଡ଼ି ଗୁରୁତର ଆହତ ହୋଇପଡ଼ିଥିବାବେଳେ ଜଣେ ଅମିତ୍ ନାମକ ନାବାଳକ ଗୁରୁତର ଥିବାରୁ ତାଙ୍କୁ ଅନୁଗୋଳ ଡ଼ାକ୍ତରଖାନାରେ ଭର୍ତ୍ତି କରାଯାଇଥିଲା । ତେବେ ଚିକିସôା ହେଉଥିବାବେଳେ ତାଙ୍କର ମୃତ୍ୟୁ ଘଟିଛି । ଅନ୍ୟ ୬ଜଣ ଆହତକୁ ନାଲକୋ ଡ଼ାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ଆଉ ୩ ଜଣଙ୍କୁ ଅନୁଗୋଳ ଡ଼ାକ୍ତରଖାନାରେ ଭର୍ତ୍ତି କରାଯାଇଛି । ପୋଲିସ ଦୁଇଟି ଦୁର୍ଘଟଣାଗ୍ରସ୍ତ ଅଟୋକୁ ଜବତ କରିବା ସହ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି ।