ଦାମବାବୁଙ୍କ ମୁଣ୍ଡ ଠିକ ନାହିଁ : ଧର୍ମେନ୍ଦ୍ର

ଭୁବନେଶ୍ୱର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ବରିଷ୍ଠ ବିଜେଡ଼ି ନେତା ଡାକ୍ତର ଦାମୋଦର ରାଉତ ସମାଲୋଚନା କରିଥିବାବେଳେ ଏହାର ଜବାବ ରଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଦାମଙ୍କୁ ତାତ୍ସଲ୍ୟ କରି ଧର୍ମେନ୍ଦ୍ର କହିଛନ୍ତିଯେ, ଦାମବାବୁ ସକାଳେ କ’ଣ କହନ୍ତି ତାହା ସଂଧ୍ୟାକୁ ମନେରଖନ୍ତି ନାହିଁ । ସେ ଜଣେ ପିତୃତୂଲ୍ୟ ଲୋକ, ବେଶୀ କିଛି କହିବି ନାହିଁ । ତାଙ୍କର ମସ୍ତିଷ୍କ ଠିକ୍ ନାହିଁ । ଦେହ’ ପା ଭଲ ରହୁ ବୋଲି ଧର୍ମେନ୍ଦ୍ର କହିଛନ୍ତି । ସୂଚନାଯୋଗ୍ୟଯେ, ପ୍ରଧାନମନ୍ତ୍ରୀଙ୍କ କଟକ ଗସ୍ତ ନେଇ ଦାମବାବୁ ସମାଲୋଚନା କରିଥିଲେ । ସେ କହିଥିଲେଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମହାନଦୀ ପ୍ରସଙ୍ଗରେ ହସ୍ତକ୍ଷେପ କରି ସମଧାନ କରିବେ ବୋଲି ଆଶା ଥିଲା । ପ୍ରଧାନମନ୍ତ୍ରୀ କୌଣସି ଦଳର କି ରାଜ୍ୟର ନୁହଁନ୍ତି । ହେଲେ ମହାନଦୀ ପ୍ରସଙ୍ଗରେ ପ୍ରଧାନମନ୍ତ୍ରୀ ସମ୍ବିଧାନ ମର୍ଯ୍ୟାଦାକୁ ଭୁଲି ଛତିଶଗଡ଼କୁ ସମର୍ଥନ କରୁଛନ୍ତି । ମହାନଦୀ ପ୍ରସଙ୍ଗରେ ବିଜୁ ଜନତା ଦଳ ସାରା ରାଜ୍ୟରେ ଆନେ୍ଦାଳନ କରୁଛି । ଏହି ସମୟରେ ମୋଦି ମହାନଦୀ ଛାତି ଉପରେ ସଭା କରୁଛନ୍ତି । ଏହା କ୍ଷମତା ଅହଙ୍କାରର ନିଦର୍ଶନ ଓ କଟାଘା’ରେ ଚୂନ ବୋଲି ବରିଷ୍ଠ ବିଜେଡ଼ି ନେତା ଡାକ୍ତର ଦାମୋଦର ରାଉତ କହିଛନ୍ତି । ସେହିପରି ବିଜେପି କେବେବି ଓଡ଼ିଶାରେ କ୍ଷମତାକୁ ଆସିପାରିବ ନାହିଁ ବୋଲି ଡାକ୍ତର ରାଉତ କହିଥିଲେ ।