ଜନସେବା କେନ୍ଦ୍ରରୁ କଳାକନା ବୁଲାଇଲେ ଦୁର୍ବୃତ୍ତ

ଅନୁଗୋଳ,୭/୮ (ସକାଳଖବର): ଠାକୁରଗଡ଼ ଥାନା ମଇମରା ପଞ୍ଚାୟତ କୁତୁଲସିଂହା ଗାଁରେ ଥିବା ଜନସେବା କେନ୍ଦ୍ରରୁ ସୋମବାର ରାତିରେ ଦୁର୍ବୃତ୍ତମାନେ କଳାକନା ବୁଲାଇ ଦେଇଥିବା ଜଣାଯାଇଛି । ଜନ ସେବା କେନ୍ଦ୍ରରେ ଥିବା ସମସ୍ତ ସାମଗ୍ରୀକୁ ଦୁର୍ବୃତ୍ତମାନେ ଚୋରୀ କରି ନେଇଯାଇଥିôବା ନେଇ ଆଜି ଜନ ସେବା କେନ୍ଦ୍ରର ସ୍ୱତାଧିକାରୀ ଗୋପାଳ ପ୍ରଧାନ ଥାନାରେ ଅଭିଯୋଗ କରିଛନ୍ତି । ପୋଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି । ପୋଲିସ ସୂତ୍ରରୁ ପ୍ରକାଶ ଯେ, ଗୋପାଳ ରାତିରେ ଜନ ସେବା କେନ୍ଦ୍ର ବନ୍ଦ କରି ଘରକୁ ଯାଇଥିଲେ । ହେଲେ କିଛି ଦୁର୍ବୃତ୍ତ ରାତିରେ ଜନ ସେବା କେନ୍ଦ୍ରର କବାଟ ଭାଙ୍ଗି ଜେରକ୍ସ ମେସିନ୍ ସହିତ ବିଭିନ୍ନ ସାମଗ୍ରୀ କିଛି ଟଙ୍କା ଚୋରୀ କରି ନେଇଥିବା ଅଭିଯୋଗରେ ଦର୍ଶାଇଛନ୍ତି ।