ଅନୁଗୁଳ: ଜିଲ୍ଲାପାଳ ଦାୟିତ୍ୱରେ ରହିବେ କମିଶନର ପାହ୍ୟା ଅଧିକାରୀ

ଅନୁଗୋଳ,୩୧/୧୨(ସକାଳଖବର): ଅନୁଗୋଳ ଜିଲ୍ଲାପାଳ ଅନିଲ କୁମାର ସାମଲଙ୍କ କମିଶନର ପଦବୀକୁ ପଦୋନ୍ନତି ହୋଇଛି । ସାଧାରଣ ପ୍ରଶାସନ ବିଭାଗ ତରଫରୁ ଆଜି ପ୍ରକାଶିତ ନିଯୁକ୍ତି ଆଦେଶନାମା ଅନୁଯାୟୀ ସେ କମିଶନର ତଥା ଜିଲ୍ଳାପାଳ ଭାବେ ଦାୟିତ୍ୱ ନିର୍ବାହ କରିବେ । ପ୍ରକାଶ ଥାଉକି ଶିଳ୍ପ ସମ୍ୃଦ୍ଧ ଅନୁଗୋଳ ଜିଲ୍ଳାର ୧୮ ତମ ଜିଲ୍ଲାପାଳ ଭାବରେ ୨୦୦୩ ବ୍ୟାଚର ଆଇ ଏ ଏସ ଅଫିସର ଶ୍ରୀ ସାମଲ ଗତ ତା.୧୯.୧୧.୨୦୧୫ ମସିହାରୁ ଦାୟିତ୍ୱ ଗ୍ରହଣ କରିବା ପରେ ଜିଲ୍ଲାରେ ଅନେକ ଗୁଡ଼ିଏ ଉଲ୍ଲେଖନୀୟ କାର୍ଯ୍ୟ ସମ୍ପାଦନ କରି ଲୋକପ୍ରିୟତା ହାସଲ କରିପାରିଛନ୍ତି । ରାଜ୍ୟ ସାଧାରଣ ପ୍ରଶାସନ ବିଭାଗ ଦ୍ୱାରା ପ୍ରକାଶିତ ବିଜ୍ଞପ୍ତି ଅନୁଯାୟୀ ତାଙ୍କୁ ସୁପର ଟାଇମ ସ୍କେଲ (କମିସନର ର୍ୟାଙ୍କକୁ) ପଦୋନ୍ନତି ଦିଆଯାଇ ପୂର୍ବଭଳି ଜିଲ୍ଲାପାଳ ଭାବେ ଦାୟିତ୍ୱ ନିର୍ବାହ କରିବାକୁ ନିଦେ୍ର୍ଧଶ ଦିଆଯାଇଛି । ଜିଲ୍ଲାପାଳ ଭାବେ ପୂନର୍ବାର କାର୍ଯ୍ୟ କରିବାର ସୁଯୋଗ ମିଳୁଥିବାରୁ ବିଭିନ୍ନ ଉନ୍ନୟନ କାର୍ଯ୍ୟକୁ ସଫଳତାର ସହ କାର୍ଯ୍ୟକାରୀ କରିବା ନିମନ୍ତେ ଜିଲ୍ଳାପାଳ ବିଭାଗୀୟ ଅଧିକାରୀମାନଙ୍କର ସହଯୋଗ କାମନା କରିବା ସହ ସମସ୍ତଙ୍କୁ ନୂତନ ବର୍ଷର ଶୁଭେଚ୍ଛା ଓ ଅଭିନନ୍ଦନ ଜଣାଉଛନ୍ତି ।