୨ଦିନ ଜିମାରେ ଟିଟୋ

କଟକ,୨୫ା୮(ସକାଳଖବର): କେନ୍ଦ୍ରାପଡ଼ା ଗ୍ୟାଙ୍ଗଷ୍ଟର ସୟଦ ଉସମାନ ଅଲ୍ଲୀ ଓରଫ ଟିଟୋକୁ ଦୁଇ ଦିନିଆ ଜିମାରେ ଆଣିଛି ଜଗତପୁର ପୁଲିସ । ଟେଣ୍ଡର ଫିକ୍ସିଂକୁ ନେଇ ଠିକାଦାର ତାହିର ଅଲ୍ଲୀ ଉପରକୁ ହୋଇଥିବା ଗୁଳି ଚାଳନା ମାମଲାରେ ଟିଟୋକୁ ପୁଲିସ ରିମାଣ୍ଡରେ ଆଣିଥିବାବେଳେ ଆସନ୍ତା ସୋମବାର କୋର୍ଟରେ ହାଜର କରିବ ବୋଲି ଏପିପି ଲୋପାମୁଦ୍ରା ବରାଳ ସୂଚନା ଦେଇଛନ୍ତି । ମାମଲାର ବିବରଣୀରୁ ପ୍ରକାଶ ଯେ ୨୦୧୮, ମାର୍ଚ୍ଚ ମାସ ୨୮ତାରିଖରେ ଠିକାଦାର ତାହିର ବିରୂପା ବ୍ୟାରେଜ ଆଡକୁ ଆସୁଥିବାବେଳେ କିଛି ଦୁର୍ବତ୍ତ ତାଙ୍କ ଉପରକୁ ଗୁଳି ଚଳାଇଥିଲେ । ଏଥିରେ ସେ ଆହତ ହୋଇଥିବାବେଳେ ଜଗତପୁର ପୁଲିସ ଏକ ମାମଲା ଦାୟର କରି ତଦନ୍ତ ଆରମ୍ଭ କରିଥିଲା ।