ମାରଣାସ୍ତ୍ର ସହ ୪ ଡ଼କାୟତ ଗିରଫ

ଅନୁଗୋଳ, ୨୦/୧୦ (ସକାଳଖବର): ଅନୁଗୋଳ ଥାନା ଅନ୍ତର୍ଗତ ମନ୍ଦରଗିରି ପାହାଡ଼ ନିକଟରୁ ପୋଲିସ ଚଢ଼ାଉକରି ମାରଣାସ୍ତ୍ର ସହ ୪ ଡ଼କାୟତକୁ ଗିରଫ କରିଛି । ଘଟଣାରୁ ପ୍ରକାଶ ଯେ ଅନୁଗୋଳ ଥାନା ଅନ୍ତର୍ଗତ ୫୫ ନମ୍ବର ଜାତୀୟ ରାଜପଥ ଚନ୍ଦ୍ରବାହାଳ ନିକଟସ୍ଥ ମନ୍ଦରଗିରି ପାହାଡ଼ଠାରେ ଗତ ବୁଧବାର ଦିନ ବିଳମ୍ବିତ ରାତିରେ ୮ ଜଣ ଯୁବକ ବିଭିନ୍ନ ସ୍ଥାନରୁ ଡ଼କାୟତି କରିବା ପାଇଁ ଯୋଜନା କରୁଥିବାବେଳେ ପୋଲିସ ସୂଚନା ପାଇ ଘଟଣାସ୍ଥଳରେ ପହଞ୍ଚô ସେମାନଙ୍କ ମଧ୍ୟରୁ ୪ ଜଣକୁ ଗିରଫ କରିବା ସହ ସେମାନଙ୍କଠାରୁ ଥିବା ମାରଣାସ୍ତୟକୁ ଜବତ କରିଛି । ଗିରଫ ଯୁବକଙ୍କ ମଧ୍ୟରେ ତାଳଚେର ନୋକେଇପଶି ଗାଁର ରଞ୍ଜିତ ନାଏକ (୨୪) ରନôାକର ନାଏକ (୧୯) ଅନୁଗୋଳ ପଞ୍ଚମହଲାର ଅନିଲ ବେହେରା ଏମାନଙ୍କ ଠାରୁ ଏକ ଦେଶୀ ପିସ୍ତଲ, ପାଞ୍ଚ ରାଉଣ୍ଡ ଗୁଳ. ୨ଟି ଭୂଜାଲୀ, ଏକ ଛୁରୀ, ଓ ୪ ଟି ମୋବାଇଲ ଫୋନ ଜବତ କରିଛି । ଏହି ଡ଼କାୟତମାନେ ରାଜପଥରୁ ଟ୍ରକରୁ ଲୁଟ କରିବା ପାଇଁ ଯୋଜନା କରୁଥିଲେ । ସୂଚନା ଯୋଗ୍ୟ ଯେ, ଏମାନେ ୨୦୧୫ରେ ନତଡ଼ା ମଦଭାଟିରେ ହାଣି ୬୦ ହଜାର ଟଙ୍କା ଲୁଟ, ୨୦୧୬ରେ ଜରପଡ଼ା ମାଛ ଗୋଦାମରୁ ୮ ଲକ୍ଷ ଟଙ୍କା, ଜିଲାର ଅନେକ ସ୍ଥାନରୁ ସୁନାଚେନ ଛିଣ୍ଡାଇବା ଭଳି କ୍ରାଇମ କରିଛନ୍ତି ବୋଲି ଏକ ସାମ୍ବାଦିକ ସମ୍ମିଳନୀରେ ଅନୁଗୋଳ ଏସ୍ଡ଼ିପିଓ ହରିହର ପାଣି, ଆଇଆଇସି ରମେଶ ଚନ୍ଦ୍ର ବିଶୋଇ ସୂଚନା ଦେଇଛନ୍ତି ।