ପ୍ରଥମ ଥର ବିଗ୍ ବସ୍ ୧୫ ରେ ସିଦ୍ଧାର୍ଥଙ୍କୁ ମନେ ପକାଇଲେ ସଲମାନ

ମୁମ୍ବାଇ ୨୯/୧୧: ବିଗ୍ ବସ୍ ୧୫ ର ଚାର୍ମ ଧୀରେ ଧୀରେ କମିଯାଉଛି। ଏହି ସିଜିନକୁ ଦର୍ଶକଙ୍କ ସେଭଳି ଭଲପାଇବା ମିଳୁନାହିଁ ଯାହା ଆଶା କରାଯାଇଥିଲା। ଶୋ’ର ଆରମ୍ଭ ଭଲଭାବରେ ହୋଇଥିଲା କିନ୍ତୁ ପରେ ଧୀରେ ଧୀରେ ତାର ଟ୍ରାକ୍ ହରାଇଲା। ଏହି କାରଣରୁ, ବର୍ତ୍ତମାନ ଶୋ’ର ନିର୍ମାତାମାନେ ଅନେକ ବଡ଼ ନିଷ୍ପତ୍ତି ନେଉଥିବାର ଦେଖାଯାଉଛି। କେବଳ ଶୋ’ର ନିର୍ମାତା ନୁହଁନ୍ତି, ହୋଷ୍ଟ ସଲମାନ ଖାନ ମଧ୍ୟ ଏହି ସବୁ ଜିନିଷକୁ ନେଇ ଚିନ୍ତିତ ଅଛନ୍ତି। ଯାହା ତାଙ୍କ ମୁହଁରେ ସ୍ପଷ୍ଟ ଦେଖାଯାଉଛି। ଗତ ୱିକେଣ୍ଡରେ ପ୍ରତିଯୋଗୀମାନଙ୍କୁ ଏକ ଦର୍ପଣ ଦେଖାଇ ସଲମାନ କହିଛନ୍ତି ଶୋ’ ଅଧା ହୋଇଗଲାଣି କିନ୍ତୁ କାହାର ପର୍ସନାଲିଟି ଏପର୍ଯ୍ୟନ୍ତ ଖୋଲାଖୋଲି ଭାବେ ପ୍ରକାଶ ପାଇ ନାହିଁ।