ରୁଚିକାଙ୍କ ମାଆଙ୍କୁ ଉଠାଇନେଲା ପୋଲିସ୍
ଭୁବନେଶ୍ୱର : ରାଜ୍ୟରେ ଚହଳ ପକାଇଥିବା ରୁଚିକା ମହାନ୍ତି ଆତ୍ମହତ୍ୟା ଘଟଣାକୁ ୧୦ଦିନ ପୂରିଥିଲେବି ଏଯାଏ ପୋଲିସର ହାତ ଖାଲି । ରୁଚିକାଙ୍କ ମୃତୁ୍ୟ ଦିନଠାରୁ ତାଙ୍କ ମାଆ ଓ କିଛି ଛାତ୍ରୀ ନ୍ୟାୟ ଦାବିରେ ବିଜେବି କଲେଜ ସାମ୍ନାରେ ଧାରଣାରେ ବସିଛନ୍ତି । ତେବେ ଆଜି ରୁଚିକାଙ୍କ ଦଶାହ ହୋଇଥିବାରୁ, ରୁଚିକାଙ୍କ ମାଆ ଦଶାହ ପାଳିବେ ବୋଲି କହିଥିଲେ । କିନ୍ତୁ ଆଜି ସକାଳୁ ପୋଲିସ୍ ଆସି ଟେଣ୍ଡ ଭାଙ୍ଗିଥିଲା । ଏହାପରେ ରୁଚିକାଙ୍କ ମାଆଙ୍କୁ ରାସ୍ତାରେ ଜବରଦସ୍ତ ଘୋଷାଡି ଘୋଷାଡି ନେବା ସହିତ ଧାରଣାରେ ବସିଥିବା ଅନ୍ୟମାନଙ୍କୁ ମଧ୍ୟ ପୋଲିସ୍ ଉଠାଇ ନେଇଛି ।
ସୂଚନା ଅନୁସାରେ ରୁଚିକା ମହାନ୍ତି ବିଜେବି କଲେଜର ଯୁକ୍ତ ୩ ପ୍ରଥମ ବଷର ଛାତ୍ରୀ । ସେ ଛାତ୍ରୀ ନିବାସରେ ଏକ ସୁଇସାଇଡ୍ ନୋଟ୍ ଲେଖି ଆତ୍ମହତ୍ୟା କରିଥିଲେ । ସୁଇସାଇଡ ନୋଟରେ ସିନିୟରମାନଙ୍କ ର୍ୟାଗିଂ ପାଇଁ ସେ ଏଭଳି ଚରମ ପଦକ୍ଷପ ନେବାକୁ ବାଧ୍ୟ ହେଲେ ବୋଲି ଲେଖିଥିଲେ ।
