ମୟୂରଭଂଜ ଜିଲ୍ଲା କ୍ରୀଡା ପ୍ରତିଭା ଚୟନ ପ୍ରକ୍ରିୟା
ବାରିପଦା:୨୬/୦୬(ସକାଳଖବର)- ରାଜ୍ୟ ସରକାରଙ୍କ କ୍ରୀଡା ଓ ଯୁବ ସେବା ବିଭାଗ
ପକ୍ଷରୁ ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ମୟୂରଭଞ୍ଜ ଜିଲ୍ଲା ପ୍ରଶାସନ
ତତ୍ୱାବଧାନରେ ମୟୂରଭଞ୍ଜ ଜିଲ୍ଲା କ୍ରୀଡା ଅଧିକାରୀ ଓ ସଂପୃକ୍ତ ଶିକ୍ଷାନୁଷ୍ଠାନର
କ୍ରୀଡା ଶିକ୍ଷକମାନଙ୍କ ମିଳିତ ସହଯୋଗରେ ଚଳିତ ଜୁନ ୨୯ରୁ ଜୁଲାଇ ୧୦
ପର୍ଯ୍ୟନ୍ତ ଜିଲ୍ଲାର ସମସ୍ତ ବ୍ଲକ୍ ଓ ସହରାଂଚଳ ଅଧିନସ୍ଥ ୪୭ଟି କ୍ଲଷ୍ଟରସ୍ତରୀୟ
ବିଭିନ୍ନ ଉଚ୍ଚ ବିଦ୍ୟାଳୟମାନଙ୍କରେ କ୍ରୀଡା ପ୍ରତିଭା ଚୟନ ପ୍ରକ୍ରିୟା
ଅନୁଷ୍ଠିତ ହେବ । ଉକ୍ତ ଚୟନ ପ୍ରତିଯୋଗିତାରେ ଅଂଶଗ୍ରହଣ କରିବା ପାଇଁ
୦୧.୦୪.୨୦୧୮ ସୁଦ୍ଧା ୧୨ ବର୍ଷ ବୟସ ହୋଇଥିବା ପ୍ରତିଯୋଗିମାନେ କବାଡି,
ଫୁଟବଲ, ଦୌଡକୁଦ, ତିରନ୍ଦାଜ ଓ ଭାର ଉତ୍ତୋଳନ ପାଇଁ ଚୟନ ପ୍ରକ୍ରିୟା
ଅନୁଷ୍ଠିତ ହେଉଥିବା ବେଳେ ୧୨ ରୁ ୧୪ ବର୍ଷ ବୟସ ମଧ୍ୟରେ ଭଲିଭଲ ଓ ବାସକେଟ ବଲ
ଏବଂ ୯ ରୁ ୧୦ ବର୍ଷ ବୟସ ମଧ୍ୟରେ ସନ୍ତରଣ ଓ ଜିମ୍ନାଷ୍ଟିକ ପାଇଁ ଚୟନ ପ୍ରକ୍ରିୟା
ଅନୁଷ୍ଠିତ ହେବ ।
