ମୃଣାଲ ଠାକୁରଙ୍କ ଖୁଲାସା, ବିରାଟ କୋହଲିଙ୍କ ପ୍ରେମରେ ପାଗଳ ଥିଲେ
ମୁମ୍ବାଇ : ବଲିଉଡ ଅଭିନେତ୍ରୀ ମୃଣାଲ ଠାକୁର କ୍ରିକେଟକୁ ବହୁତ ଭଲ ପାଆନ୍ତି ଏବଂ ଏକ ସମୟ ଥିଲା ଯେତେବେଳେ ସେ ବିରାଟ କୋହଲିଙ୍କ ପ୍ରେମରେ ପଡିଥିଲେ। ଅତୀତର ଦିନଗୁଡ଼ିକୁ ମନେ ପକାଇ ସେ କହିଛନ୍ତି ଯେ କ୍ରିକେଟ୍ ପ୍ରତି ତାଙ୍କର ପ୍ରେମ ତାଙ୍କ ଭାଇଙ୍କ କାରଣରୁ ହୋଇଥିଲା। ଦୁହେଁ ଏକାଠି କ୍ରିକେଟ୍ ମ୍ୟାଚ୍ ଦେଖୁଥିଲେ ଏବଂ ଟିମ୍ ଇଣ୍ଡିଆ ପାଇଁ ଚିୟର୍ କରୁଥିଲେ।
ମୃଣାଲ ଠାକୁରଙ୍କ ଆଗାମୀ ଫିଲ୍ମ ‘ଜର୍ସି’ କ୍ରିକେଟ୍ ଉପରେ ଆଧାରିତ। ଏଥିରେ ତାଙ୍କର ଅପୋଜିଟ୍ ଆକ୍ଟର୍ ସାହିଦ କପୁର। ଏହି ଫିଲ୍ମଟି ଏକ ତାମିଲ ଫିଲ୍ମର ରିମେକ୍।
ଅତୀତର ସ୍ମୃତି ମନେ ପକାଇ ଏକ ଇଣ୍ଟରଭ୍ୟୁରେ ମୃଣାଲ କହିଛନ୍ତି, ଏକ ସମୟ ଥିଲା ଯେତେବେଳେ ସେ ବିରାଟ କୋହଲିଙ୍କୁ ଭଲ ପାଇବା ଆରମ୍ଭ କରିଥିଲେ। କ୍ରିକେଟ୍ ପ୍ରତି ତାଙ୍କର ଭଲପାଇବା ତାଙ୍କ ଭାଇଙ୍କ କାରଣରୁ, ଯିଏ କ୍ରିକେଟ୍ ର ଜଣେ ବଡ଼ ପ୍ରଶଂସକ। ଅଭିନେତ୍ରୀ କହିଛନ୍ତି ଯେ ପ୍ରାୟ ପାଞ୍ଚ ବର୍ଷ ପୂର୍ବେ ସେହି ମ୍ୟାଚକୁ ସେ ମନେ ରଖିଛନ୍ତି ଯେତେବେଳେ ସେ ତାଙ୍କ ଭାଇଙ୍କ ସହ ଷ୍ଟାଣ୍ଡରେ ଠିଆ ହୋଇଥିଲେ ଏବଂ ଟିମ୍ ଇଣ୍ଡିଆ ପାଇଁ ଚିୟର୍ କରୁଥିଲେ । କେବଳ ଏତିକି ନୁହେଁ ସେ ଏହି ମ୍ୟାଚରେ ଭାରତର ବ୍ଲୁ ଜର୍ସି ମଧ୍ୟ ପିନ୍ଧିଥିଲେ।
ସେହି ଦିନଗୁଡ଼ିକୁ ସ୍ମରଣ କରି ମୃଣାଲ କହିଛନ୍ତି ଯେ ଏହା କେବଳ ଏକ ସଂଯୋଗ ଅଟେ ଯେ ଆଜି ସେ କ୍ରିକେଟ୍ ଉପରେ ଆଧାରିତ ଏକ ଫିକ୍ଚର୍ର ଅଂଶ ହୋଇପାରିଛନ୍ତି।
