ମହିଳାଙ୍କୁ ନିଜ ଢ଼ଙ୍ଗରେ ଚଳିବାକୁ ଦିଆଯାଉ: ରାଷ୍ଟ୍ରପତି

ନୂଆଦିଲ୍ଲୀ, ୧୪/୮(ସକାଳଖବର): ଦେଶରେ କୃଷକମାନଙ୍କୁ ସମସ୍ତ ପ୍ରକାର ସୁବିଧାସୁଯୋଗ ଦେବାର ସମୟ ଆସି ପହଞ୍ଚିଛି । ସେମାନଙ୍କ ବ୍ୟତିରକେ ଦେଶର ଉନ୍ନତି ଅସମ୍ଭବ ବୋଲି ସ୍ୱାଧୀନତା ଦିବସ ପାଳନର ଅବ୍ୟବହିତ ପୂର୍ବରୁ ଜାତି ଉଦେ୍ଧଶ୍ୟରେ ପ୍ରଦତ୍ତ ଭାଷଣରେ ରାଷ୍ଟ୍ରପତି ରାମନାଥ କୋବିନ୍ଦ କହିଛନ୍ତି । କୃଷକଙ୍କର ସ୍ୱାର୍ଥ ରକ୍ଷା ହୋଇପାରିଲେ ସ୍ୱାଧୀନ ଭାରତର ସ୍ୱପ୍ନ ପୂରଣ ହୋଇପାରିବ ବୋଲି ସେ କହିଛନ୍ତି । ଦେଶର ସାମରିକ ବାହିନୀ ନିଜ ଜୀବନକୁ ବାଜି ଲଗାଇ ସୀମାରେ ଶତ୍ରୁ ପକ୍ଷର କଡ଼ା ମୁକାବିଲା କରୁଛନ୍ତି । ସେମାନଙ୍କ ସ୍ୱାର୍ଥ ରକ୍ଷା ଦେଶର କର୍ତ୍ତବ୍ୟ । ସେହିପରି ମହିଳାଙ୍କୁ ନିଜ ଢ଼ଙ୍ଗରେ ଚଳିବାର ସୁଯୋଗ ଦେବା ବର୍ତ୍ତମାନ ସମୟର ଆବଶ୍ୟକତା ବୋଲି ରାଷ୍ଟ୍ରପତି ଉଲ୍ଲେଖ କରିଛନ୍ତି ।