ମର୍ନିଂଷ୍ଟାର କ୍ରିକେଟ ଟୁର୍ଣ୍ଣାମେଣ୍ଟ, ଲୁଟ ୱାରିଅସ ଚମ୍ପିୟାନ

ଅନୁଗୋଳ,୧୩/୧(ସକାଳଖବର): ଅନୁଗୋଳ କଦମ ପଡ଼ିଆଠାରେ ଚାଲିଥିବା ତୃତୀୟ ମର୍ନିଷ୍ଟାର କ୍ରିକେଟ ଟୁର୍ଣ୍ଣାମେଣ୍ଟ ରବିବାର ଉଦଯାପିତ ହୋଇଯାଇଛି । ଟୁର୍ଣ୍ଣାମେଣ୍ଟରେ ଆୟୋଜକ ମର୍ନିଷ୍ଟାର କ୍ରିକେଟ କ୍ଲବ ଏବଂ ଲୁଟୁ ୱାରିଅସ ମଧ୍ୟରେ ଖେଳା ପାଇଥିଲେ । ପ୍ରଥମେ ବ୍ୟାଟିଂ କରି ଲୁଟୁ ୱାରିଅସ ନିର୍ଦ୍ଧାରିତ ୨୦ ଓଭରରେ ୪ଟି ଉଇକେଟ ହରାଇ ୨୪୯ ରନର ବିଶାଳ ସ୍କୋର କରିଥିବା ବେଳେ ନିର୍ଦ୍ଧାରିତ ଓଭର ଭିତରେ ମର୍ନିଷ୍ଟାର ୯ ଉଇକେଟ ହରାଇ ୧୫୩ ରନ କରିଥିଲା । ଫଳରେ ଲୁଟୁ ୱାରିଅସ ବିଜୟୀ ହୋଇଥିଲା । ଲୁଟୁ ୱାରିଅସର ଅମର ଧୂଆଧାର ବ୍ୟାଟିଂ କରି ୩୦ ଟି ବଲରେ ୧୧୬ ରନ କରି ଅପରାଜିତ ରହିଥିଲେ । ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ତାଳଚେର ବିଧାୟକ ବ୍ରଜକିଶୋର ପ୍ରଧାନ ଯୋଗ ଦେଇଥିଲେ । ସମ୍ମାନୀତ ଅତିଥି ଭାବେ ତାମଡ଼ା ଅଧ୍ୟକ୍ଷ ଶକ୍ତିପ୍ରସାଦ ପଟ୍ଟନାୟକ, ଭାଜପା ନେତା ପ୍ରତାପଚନ୍ଦ୍ର ପ୍ରଧାନ, ଅନୁଗୋଳ ଜିଲ୍ଳା କ୍ରୀଡ଼ା ସଂସଦର ସଂପାଦକ ନୀଳମଣୀ ରାଉତ ଅନୁଗୋଳ ଜିଲ୍ଳା କ୍ରୀକେଟ ସଂଘ ସଭାପତି ମାନସ ରଂଜନ ସାମଲ ଯୋଗ ଦେଇଥିଲେ । ଚମ୍ପିଆନ ଦଳକୁ ୧୬୬୬୬ଟଙ୍କା ଓ ରନର୍ସଅପକୁ ୧୧୧୧୧ଟଙ୍କା ପ୍ରଦାନ କରାଯାଇଥିଲା । ଏହି ମ୍ୟାଚକୁ ଅମ୍ପାୟାର ଭାବେ ସଞ୍ଜୀବ ପାତ୍ର ଓ ଅଞ୍ଜନ କର ଯୋଗ ଦେଇଥିଲେ । କ୍ଲବର ସଭାପତି ମାୟାଧର ମିଶ୍ର ଓ ସଂପାଦକ ରଞ୍ଜନ କୁମାର ଧୀର ଆୟୋଜନରେ ସହଯୋଗ କରିଥିଲେ ।