ବ୍ରହ୍ମପୁରରୁ କଟକ ମେମୋ ଟ୍ରେନ ଚାଲିଲା

ଗଂଜାମ, ୨୨/୬ (ସକାଳଖବର): ଆଜି ସକାଳ ୭ଟା ୩୦ ମିନିଟ ବେଳେ ଫାଷ୍ଟ ଡି.ଏମ.ୟୁ ପାସେଂଜର ବଦଳରେ ବ୍ରହ୍ମପୁର ଷ୍ଟେସନରୁ ଅତ୍ୟାଧୁନିକ ମେମୋ ଟ୍ରେନ କଟକ ଅଭିମୁଖେ ଯାତ୍ରା ଆରମ୍ଭ କରି ୧୧ଟା ୨୫ ମିନିଟରେ କଟକ ଷ୍ଟେସନରେ ପହଂଚିଛି । ଏଥିରେ ୧୨ଟି କୋଚ, ଟଏଲଟ ସହ ଅଧିକା ଯାତ୍ରୀ ଯାତାୟତର ସୁବିଧା ରହିଛିା ଏହା ସପ୍ତାହରେ ଛଅ ଦିନ ଅର୍ଥାତ ସୋମବାରରୁ ଶନିବାର ପର୍ଯ୍ୟନ୍ତ ଚାଲିବ । ରବିବାର ଦିନ ବନ୍ଦ ରହିବ । ଏହି ଟ୍ରେନ ଚାଲିବା ଫଳରେ ଜନସାଧାରଣଙ୍କ ମନରେ ନାହିଁ ନଥିବା ଉତ୍ସାହ ଉଦ୍ଧୀପନା ପ୍ରକାଶ ପାଇବା ସହ ଟ୍ରେନ ମଧ୍ୟରେ ଓ ଷ୍ଟେସନରେ ଲୋକେ ମିଷ୍ଟାନ୍ନ ବଂଟନ କରି ଖୁସି ମନାଇଥିଲେ ।