ବଡ଼ଖବର : କୋଣାର୍କ ଏକ୍ସପ୍ରେସରେ ବୋମା !

ଭୁବନେଶ୍ୱର : କୋଣାର୍କ ଏକ୍ସପ୍ରେସରେ ଅଛି ବୋମା । ଏବେ କୋଣାର୍କ ଏକ୍ସପ୍ରେସକୁ ଅଟକାଇ ଯାତ୍ରୀମାନଙ୍କୁ ପଦାକୁ ବାହାର କରିଦିଆଯାଇଛି । ଟ୍ରେନ ଭିତରେ ବୋମା ଖୋଜା ଚାଲିଥିବା ଜଣାପଡ଼ିଛି । ଗତକାଲି ଭୁବନେଶ୍ୱରରୁ କୋଣାର୍କ ଏକ୍ସପ୍ରେସ ଛାଡ଼ିଥିଲା । ଭୁବନେଶ୍ୱର-ମୁମ୍ବାଇ କୋଣାର୍କ ଏକ୍ସପ୍ରେସରେ ବୋମା ଥିବା ନେଇ ଗଣମାଧ୍ୟମରେ ଖବର ପ୍ରକାଶ ପାଇଛି । ତେବେ କେଉଁ ପରିସ୍ଥିତିରେ ଏକ୍ସପ୍ରେସରେ ବୋମା ଗଲା ସେନେଇ ସିସିଟିଭି ବି ଛାନଭିନ କରାଯାଉଥିବା ଜଣାପଡ଼ିଛି । ସିକନ୍ଦରାବାଦ ଷ୍ଟେସନ ନିକଟରେ ଟ୍ରେନ ବମ୍ବ ସ୍କ୍ୱାଡର଼୍ ଯାଂଚ କରାଯାଉଛି । ଫଳରେ ଯାତ୍ରୀମାନେ ଆତଙ୍କିତ ହୋଇପଡ଼ିଥିବା ଲକ୍ଷ୍ୟ କରାଯାଇଛି । ବୋମା ସ୍କ୍ୱାଡର଼୍ ଯାଂଚ କରିଥିଲେବି ଏଯାବତ ବୋମାକୁ ଠାବ କରାଯାଇପାରିନାହିଁ । ଗଣମାଧ୍ୟମରେ ପ୍ରକାଶିତ ଖବର ଅନୁଯାୟୀ, ବୋମା ନେଇ ଯାଂଚ ଚାଲିଥିବାବେଳେ ଆଖପାଖରେ ଯାତ୍ରୀମାନେ ନରହିବା ପାଇଁ ପରାମର୍ଶ ଦିଆଯାଇଛି । ଏକ ସୂତ୍ରରୁ କୋଣାର୍କ ଏକ୍ସପ୍ରେସରେ ବୋମା ଥିବା ନେଇ ଜାଣିବାକୁ ମିଳିଥିଲା । ଖବର ପାଇବା ମାତ୍ରେ ତୁରନ୍ତ ଘଟଣାସ୍ଥଳରେ ବୋମା ସ୍କ୍ୱାଡର଼୍ ପହଁଚି ଯାଇଥିଲେ । ଭୁବନେଶ୍ୱର ଷ୍ଟେସନରେ ମଧ୍ୟ ସିସିଟିଭି ଯାଂଚ ଆରମ୍ଭ ହୋଇଯାଇଛି । ଅପରପକ୍ଷରେ ରେଳ ମନ୍ତ୍ରଣାଳୟ ପକ୍ଷରୁ ଏନେଇ ସ୍ପଷ୍ଟ ଭାବେ କୌଣସି ସୂଚନା ମିଳିନାହିଁ । ଇତିମଧ୍ୟରେ ସମସ୍ତ ଯାତ୍ରୀଙ୍କୁ ଟ୍ରେନରୁ ବାହାର କରାଯାଇଥିବାବେଳେ ସମସ୍ତେ ସୁରକ୍ଷିତ ଥିବା ଜଣାପଡ଼ିଛି ।