ଫେବୃଆରୀ ସୁଦ୍ଧା ପ୍ରକାଶ ପାଇବ କଂଗ୍ରେସ ପ୍ରାର୍ଥୀ ତାଲିକା : ନିରଂଜନ

ଭୁବନେଶ୍ୱର,୯/୨(ସକାଳଖବର): ଫେବୃଆରୀ ଶେଷ ସୁଦ୍ଧା ସାଧାରଣ ନିର୍ବାଚନ ପାଇଁ ଓଡିଶାରେ ପ୍ରାର୍ଥୀ ତାଲିକା ପ୍ରକାଶ କରାଯିବ । ଏଆଇସିସି ଅଧ୍ୟକ୍ଷ ରାହୁଲ ଗାନ୍ଧି ଏହି ନିଦେ୍ର୍ଧଶ ଦେଇଛନ୍ତି ବୋଲି ପିସିସି ସଭାପତି ନିରଂଜନ ପଟ୍ଟନାୟକ ଏଆଇସିସି ବୈଠକରେ ଯୋଗ ଦେବାପରେ ପ୍ରକାଶ କରିଛନ୍ତି । ଏହାସହ ଶ୍ରୀ ଗାନ୍ଧି ବୁଥ୍ ସ୍ତରରେ ଦଳୀୟ ସଂଗଠନକୁ ମଜବୁତ୍ କରିବାକୁ ରାଜ୍ୟ ସଭାପତି ମାନଙ୍କୁ ନିଦେ୍ର୍ଧଶ ଦେଇଛନ୍ତି । ଶନିବାର ଦିନ ପିସିସି ସଭାପତି ନିରଂଜନ ପଟ୍ଟନାୟକ ଓ ବିରୋଧୀ ଦଳ ନେତା ନରସିଂହ ମିଶ୍ର ଦିଲ୍ଲୀ ଗସ୍ତରେ ଯାଇଥିଲେ । ଏଆଇସିସି ଅଧ୍ୟକ୍ଷ ରାହୁଲ ଗାନ୍ଧିଙ୍କ ଅଧ୍ୟକ୍ଷତାରେ ନୂଆଦିଲ୍ଲୀଠାରେ ଅନୁଷ୍ଠିତ ବୈଠକରେ ଯୋଗ ଦେବା ଲାଗି ଓଡିଶା ସମେତ ସମସ୍ତ ରାଜ୍ୟର ସଭାପତି , ଉପସଭାପତି, ପ୍ରଭାରୀ ଓ ବରିଷ୍ଠ ନେତା ମାନଙ୍କୁ ଆମନ୍ତ୍ରଣ କରାଯାଇଥିଲା । ଏଥିପାଇଁ ଉଭୟ ନେତା ସେଠାକୁ ଯାଇଥିଲେ । ଆସନ୍ତା ସାଧାରଣ ନିର୍ବାଚନ ପ୍ରସ୍ତୁତି ସମ୍ପର୍କରେ ଆଲୋଚନା ପାଇଁ ଉକ୍ତ ବୈଠକ ଡକାଯାଇଥିଲା । ସେହିପରି ବୈଠକରେ ନିର୍ବାଚନ ପାଇଁ ଟିକେଟ ଚୂଡାନ୍ତ କରିବା ସହ ରଣନୀତି ପ୍ରସ୍ତୁତ କରାଯିବା ସହ ନିର୍ବାଚନରେ ବିଜେପିକୁ ହଟାଇବା ପାଇଁ ଜାତୀୟସ୍ତରରେ ଏବଂ ରାଜ୍ୟ ସ୍ତରରେ କଂଗ୍ରେସ କେଉଁ କେଉଁ ଦଳ ସହ ମେଂଟ କରିବ ସେନେଇ ରାଜ୍ୟର ତୁଙ୍ଗ ନେତାଙ୍କ ସହ ରାହୁଲ ଆଲୋଚନା କରାଯାଇଥିବା ସୂଚନା ମିଳିଛି ।