ପୋଲିସ୍ ଉପସ୍ଥିତିରେ ପାୱାର ଗ୍ରୀଡ୍ର ଗଛ କଟା
ଅନୁଗୋଳÿ, ୧୮/୯ (ସକାଳଖବର): ଆଜି ପୂର୍ବାହ୍ନରେ ଅନୁଗୁଳ ବ୍ଲକ ଅନ୍ତର୍ଗତ ମାଣିକଯୋଡି ପଞ୍ଚାୟତର କନ୍ଧକୋଇଲା ଗ୍ରାମ ସଂଲଗ୍ନ ଜଙ୍ଗଲକୁ ପାୱାର ଗ୍ରୀଡ୍ର ତାର ଟଣା ପାଇଁ ବହୁ ମୂଲ୍ୟବାନ୍ ଗଛ ଗ୍ରାମବାସୀଙ୍କ ବିନା ସହମତିରେ ପାୱାର ଗ୍ରୀଡ୍ କର୍ତ୍ତୃପକ୍ଷ ପୋଲିସ୍ ଓ ଦଲାଲ୍ ସହାୟତାରେ କାଟିଥିବାରୁ ଗ୍ରାମବାସୀଙ୍କ ମଧ୍୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ଗ୍ରାମର ଉନ୍ନତିକରଣ ପାଇଁ ପାୱାର ଗ୍ରୀଡ୍ କର୍ତ୍ତୃପକ୍ଷ ଟଙ୍କାଟିଏ ଖର୍ଚ୍ଚ କରିନାହାନ୍ତି ଏବଂ ଗ୍ରାମ ସଂରକ୍ଷିତ ଜଙ୍ଗଲକୁ କାଟୁ ଥିବାରୁ ଗ୍ରାମବାସୀଙ୍କ ପ୍ରତିବାଦ ସତ୍ତ୍ୱେ ଜବରଦସ୍ତି କାଟିବା ନିନ୍ଦନୀୟ ବୋଲି ମତ ପ୍ରକାଶ ପାଇଛି । ଅବିଳମ୍ବେ ଗ୍ରାମର ଉନ୍ନତିକରଣ ପାଇଁ ପାୱାର ଗ୍ରୀଡ୍ କର୍ତ୍ତୃପକ୍ଷ ପଦକ୍ଷେପ ଗ୍ରହଣ କରିବାକୁ ଗ୍ରାମ କମିଟି ସଭାପତି କୁମୁନ୍ଦ ପ୍ରଧାନ ଓ ସମ୍ପାଦକ ଅକ୍ଷୟ ଦେହୁରୀ ଦାବି କରିଛନ୍ତି ।
