ପୋଖରୀରେ ବୁଡ଼ି ଛାତ୍ର ମୃତ

ଅନୁଗୋଳ ୬/୧୦ (ସକାଳଖବର): କିଶୋରନଗର ଥାନା ଅନ୍ତର୍ଗତ ପୁରୁଣାପାଣି ଗାଁର ବରୁଣ ବେହେରାଙ୍କ ପୁଅ ରଞ୍ଜିତ ବେହେରା (୮) ଆଜି ପୋଖରୀରେ ବୁଡ଼ି ମୃତ୍ୟୁ ଘଟିଥିବା ଜଣାଯାଇଛି । ଘଟଣାରୁ ପ୍ରକାଶ ଯେ, ରଞ୍ଜିତ ତାଙ୍କ ମାମୁଁ ଘର ରେଙ୍ଗାଳବେଡ଼ା ରହି ପାଠ ପଢ଼ୁଥିଲେ । ଆଜି ଅପରାହ୍ନରେ ତାଙ୍କ ମାମୁଁ ପୁଅଙ୍କ ସହିତ ନିକଟସ୍ଥ ପୋଖରୀକୁ ଗାଧୋଇ ଯାଇଥିବାବେଳେ ରଞ୍ଜିତ ବୁଡ଼ି ଯାଇଥିଲେ । ଏ ଘଟଣା ତାଙ୍କ ମାମୁଁ ପୁଅ ଗାଁରେ ଜଣାଇବା ପରେ ଗ୍ରାମବାସୀ ଅଗ୍ନିଶମ ବିଭାଗକୁ ସୂଚନା ଦେଇଥିଲେ । ଖବର ପାଇ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚô ରଞ୍ଜିତଙ୍କ ମୃତ ଦେହ ଉଦ୍ଧାର କରିଥିଲେ । ଘଟଣାସ୍ଥଳରେ ପୋଲିସ ପହଞ୍ଚô ମୃତ ଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ହଣ୍ଡପା ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିବା ଜଣାଯାଇଛି ।