ପୂର୍ବତନ ବିଧାୟକଙ୍କ ବିୟୋଗ

ଅନୁଗୋଳ,୧୦/୧୨( ସକାଳଖବର):ଆଠମଲ୍ଳିକ ବିଧାନସଭା ନିର୍ବାଚନମଣ୍ଡଳୀର ପୂର୍ବତନ ବିଧାୟକ ରାଜ କିଶୋର ପ୍ରଧାନଙ୍କ ଗତକାଲି ପରଲୋକ ହୋଇଯାଇଛି । ଗତକାଲି ଠାରେ ସେ ବାହାରି ପୁରୀ ଅଭିମୁଖେ ଟ୍ରେନ ଯୋଗେ ଯାଉଥିବା ସମୟରେ ହଠାତ ଭାରସାମ୍ୟ ହରାଇ ବଅଁରପାଳର ବଳରାମପ୍ରସାଦ ଠାରେ ଟ୍ରେନରୁ ପଡ଼ିଯାଇଥିଲେ । ଆଜି ସକାଳେ ତାଙ୍କୁ ଉଦ୍ଧାର କରାଯାଇ ଜିଲ୍ଳା ମୁଖ୍ୟ ଚିକିତ୍ସାଳୟକୁ ଅଣାଯିବା ପରେ ଜନସାଧାରଣ ତାଙ୍କ ଶେଷ ଦର୍ଶନ ପାଇଁ ସେଠାରେ ରୁଣ୍ଡ ହୋଇଥିଲେ । ମୃତ୍ୟୁ ବେଳକୁ ତାଙ୍କୁ ୮୩ ବର୍ଷ ହୋଇଥିଲା । ୧୯୭୧-୭୩ ମସିହାରେ ବିଜୁ ପଟ୍ଟନାୟକଙ୍କ ଉକ୍ରଳ କଂଗ୍ରେସରେ ଯୋଗଦାନ କରି ଆଠମଲ୍ଲିକ ବିଧାନସଭା ନିର୍ବାଚନ ମଣ୍ଡଳୀ ପାଇଁ ବିଧାୟକ ଭାବେ ଦାୟିତ୍ୱ ନିର୍ବାହ କରିଥିଲେ । ସ୍ୱର୍ଗତ ପ୍ରଧାନ ୧୯୩୪ ମସିହା ଫେବୃୟାରୀ ୧୭ ତାରିଖରେ ଆଠମଲ୍ଲିକର ପାଇକସାହି ଠାରେ ଜନ୍ମଗ୍ରହଣ କରିଥିଲେ । ଜିଲ୍ଳା ପ୍ରଶାସନ ତରଫରୁ ଅତିରିକ୍ତ ଜିଲ୍ଲାପାଳ ଶ୍ରୀ ତପନ କୁମାର ଶତପଥି ମର ଶରୀର ପାଖରେ ଉପସ୍ଥିତ ରହି ଶେଷ ଦର୍ଶନ କରିବା ସହ ଦିଂବଗତ ଆମ୍ôାର ସଦଗତି କାମନା କରିଥିଲେ । ଏହାଛଡ଼ା ଅନୁଗୋଳ ବିଧାୟକ ଶ୍ରୀ ରଜନୀକାନ୍ତ ସିଂହ ଓ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ବାସନ୍ତୀ କିଷାନ ମଧ୍ୟ ଉପସ୍ଥିତ ରହି ଶେଷଦର୍ଶନ କରିଥିଲେ ।