ପକୋଡା ବିକି ମୋଦିଙ୍କୁ ସ୍ୱାଗତ କଲେ ଉଚ୍ଚଶିକ୍ଷିତ

କଟକ, ୨୬ା୫/(ସକାଳଖବର): ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସ୍ୱାଗତ ପାଇଁ କଟକରେ ବିଜେପି କର୍ମୀ ତଥା ସମର୍ଥକଙ୍କ ତରଫରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଥିବାବେଳ କିଛି ଉଚ୍ଚଶିକ୍ଷିତ ଆଜି ଗୌରୀଶଙ୍କର ପାର୍କଠାରେ ଅଭିନବ ଉପାୟରେ ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିଥିଲେ । ଏହା ସାଧାରଣରେ ଚର୍ଚ୍ଚାର ବିଷୟ ହୋଇଛି । କିଛି ଇଞ୍ଜିନିୟରିଂ ଓ ଏମବିଏ ପାଶ ଯୁବକମାନେ ପାର୍କ ସମ୍ମୁଖରେ ଏକ ପକୋଡା ଷ୍ଟଲ ଖୋଲି ୫ଟଙ୍କା, ୧୦ ଟଙ୍କା ମୂଲ୍ୟରେ ପକୋଡା ବିକ୍ରି କରିଥିଲେ । ଏହାକୁ ସେମାନେ ମୋଦୀ ପକୋଡ଼ା ଭାବେ ନାମିତ କରିଥିଲେ । ଏହି ମୋଦୀ ପକୋଡା ଖାଇବାକୁ ଲୋକଙ୍କ ଭିଡ ହୋଇଥିଲା । ଷ୍ଟଲ ଆଗରେ ଏକ ବ୍ୟାନରରେ ‘ନରେନ୍ଦ୍ର ମୋଦୀ ସ୍ୱରୋଜଗାର ପକୋଡା ଷ୍ଟଲ ଉଲ୍ଲେଖ କରାଯାଇଥିଲା । ଏଥିସହ ଏହି ପକୋଡା ବିକ୍ରି ଦ୍ୱାରା ‘ସର୍ବନିମ୍ନ ମଜୁରୀଠାରୁ କମ୍ ରୋଜଗାର’ ହେଉଛି ବୋଲି ଏମାନେ ଏକ ବ୍ୟାନରରେ ଦର୍ଶାଇଥିଲେ । ତେବେ ଉକ୍ତ ଶିକ୍ଷିତ ଯୁବକମାନେ ତାତ୍ସଲ୍ୟ କରି କହିଥିଲେ ଯେ, ମୋଦି ମହାଶୟ ବେକାରୀ ହଟାଇଥିବା ଭାଷଣ ମାରୁଛନ୍ତି । ଯଦି ସତ୍ସାହସ ଅଛି, ସେ ପକୋଡା ଖାଇବାକୁ ଆସନ୍ତୁ । ପକୋଡା ବିକ୍ରିକରି କିପରି ଶିକ୍ଷିତମାନେ ରୋଜଗାର କରିପାରିବେ ତାହାର ଉପାୟ ବତାଇ ଯାଆନ୍ତୁ ବୋଲି କହିଥିଲେ ।