ଦଳିତ ମହାସଂଘ ସଦସ୍ୟଙ୍କ ବିଜେଡ଼ିରେ ଯୋଗଦା

ଅନୁଗୋଳ,୨୩/୨(ସକାଳଖବର): ଅନୁଗୋଳ ଜିଲା କଳାକେନ୍ଦ୍ରଠାରେ ଆଜି ଅପରାହ୍ନ ୩ ଘଟିକା ବେଳେ ଜିଲା ସଭାପତି ତଥା ବିଧାୟକ ରଜନୀକାନ୍ତ ସିଂହଙ୍କ ଅଧ୍ୟକ୍ଷତାରେ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଏହି ମିଶ୍ରଣ ପର୍ବରେ ଦଳିତ ମହାସଂଘ ସଭାପତି ରାଜକିଶୋର ନାଏକଙ୍କ ନେତୃତ୍ୱରେ ୪ ଶହରୁ ଉଦ୍ଧ୍ୱର୍ କର୍ମକର୍ତ୍ତା ଓ ସଦସ୍ୟ ବିଜେଡ଼ିରେ ଆନୁଷ୍ଠାନିକ ଭାବେ ଯୋଗଦାନ କରିଛନ୍ତି । ଏହି ମିଶ୍ରଣ ପର୍ବରେ ଜିଲା ପର୍ଯ୍ୟବେକ୍ଷକ ତଥା ମନ୍ତ୍ରୀ ପ୍ରତାପ ଜେନା ଯୋଗଦେଇ ଦଳିତ ମହାସଂଘର କର୍ମକର୍ତ୍ତା ଓ ସଦସ୍ୟମାନଙ୍କୁ ସ୍ୱାଗତ କରିଥିଲେ । ଏ ଅବସରରେ ମନ୍ତ୍ରୀ ଶ୍ରୀ ଜେନା କହିଲେ ଯେ, ନବୀନ ସରକାରଙ୍କର ବିଭିନ୍ନ ଉନ୍ନୟନ ମୂଳକ କାର୍ଯ୍ୟଧାରା ହିଁ ସେମାନଙ୍କୁ ଦଳପ୍ରତି ଆକୃଷ୍ଟ କରିଛି । ବିଶେଷ କରି ଦଳିତ ମାନଙ୍କ ପାଇଁ ନବୀନ ସରକାର ଗୁରୁତ୍ୱ ପ୍ରଦାନ କରିଥିବାରୁ ମହାସଂଘ ଆଜି ଦଳରେ ସାମିଲ ହୋଇ ଦଳକୁ ମଜବୁତ କରିଛନ୍ତି । ଏହି ଦଳିତ ମହାସଂଘର ଯୋଗଦାନ ଦଳକୁ ଆଗାମୀ ଦିନରେ ମଜବୁତ କରିବ ବୋଲି ମନ୍ତ୍ରୀ ଶ୍ରୀ ଜେନା ପ୍ରକାଶ କରିଛନ୍ତି । ଏହି ମିଶ୍ରଣ ପର୍ବରେ ବିଧାୟକ ସଞ୍ଜୀବ ସାହୁ, ମହେଶ ସାହୁଙ୍କ ସମେତ ବହୁ ଦଳୀୟ କର୍ମକର୍ତ୍ତା ଯୋଗଦାନ କରିଥିଲେ ।