ଜୟଦୀପ ପିଆଇବିର ନୂଆ ପ୍ରମୁଖ ମହାନିର୍ଦ୍ଦେଶକ
ନୂଆଦିଲ୍ଲୀ (ସକାଳଖବର)୦୨ମାର୍ଚ୍ଚ/୨୦୨୧ : : ଜୟଦୀପ ଭଟ୍ଟନାଗର ଆଜି ପତ୍ର ସୂଚନା କାର୍ଯ୍ୟାଳୟ (ପିଆଇବି)ର ପ୍ରମୁଖ ମହାନିର୍ଦ୍ଦେଶକ ଭାବେ ଦାୟିତ୍ବ ଗ୍ରହଣ କରିଛନ୍ତି।ପ୍ରମୁଖ ମହାନିର୍ଦ୍ଦେଶକ ଦାୟିତ୍ବ ନେବା ପୂର୍ବରୁ ସେ ପିଆଇବିର ବିଭିନ୍ନ ପଦପଦବିରେ ୬ ବର୍ଷ ଧରି ସୂଚାରୁ ରୂପେ ଦାୟିତ୍ବ ସମ୍ପାଦନ କରିଛନ୍ତି ଗତକାଲି ଅବସର ଗ୍ରହଣ କରିଥିବା କୁଲଦୀପ ସିଂ ଧତୱାଲିଆଙ୍କ ଠାରୁ ସେ ଏହି ଦାୟିତ୍ବ ନେଇଛନ୍ତି। ଶ୍ରୀ ଭଟ୍ଟନାଗର ଭାରତୀୟ ସୂଚନା ସେବା (ଆଇଆଇଏସ୍)ର ୧୯୮୬ ବ୍ୟାଚ୍ ଅଧିକାରୀ। ଏହା ପୂର୍ବରୁ ପିଆଇବି ସମେତ ଦୂରଦର୍ଶନ, ଆକାଶବାଣୀ, ଆଇଆଇଏମ୍ସି ଆଦିରେ ବହୁ ଗୁରୁତ୍ବପୂର୍ଣ୍ଣ ପଦପଦବିରେ ସେ ସଫଳତାର ସହ ଦାୟିତ୍ବ ନିର୍ବାହ କରିଛନ୍ତି। ଦୂରଦର୍ଶନ ସମାଚାର ବିଭାଗରେ କାର୍ଯ୍ୟ କରିବା ସହିତ ଏହାର ବାଣିଜ୍ୟ, ବିକ୍ରୟ ଏବଂ ବିପଣନ ବିଭାଗ ବ୍ୟବସାୟିକ ମୁଖ୍ୟ ରହିଥିଲେ। ପଶ୍ଚିମ ଏସିଆର ୨୦ଟି ଦେଶ ପାଇଁ ପ୍ରସାର ଭାରତୀ ତରଫରୁ ସେ ସ୍ବତନ୍ତ୍ର ସମ୍ବାଦଦାତା ଥିଲେ। ଆକାଶବାଣୀ ନ୍ୟୁଜ୍ ସର୍ଭିସେସ୍ ବିଭାଗର ମୁଖ୍ୟ ଓ ଇଣ୍ଡିଆନ୍ ଇନ୍ଷ୍ଟିଚ୍ୟୁଟ୍ ଅଫ୍ ମାସ୍ କମ୍ୟୁନିକେସନ୍ର ରେଜିଷ୍ଟ୍ରାର ରହିଥିଲେ।
