ଜବର ଦଖଲ ଉଚ୍ଛେଦ ବେଳେ ଉତ୍ତେଜନା

ଅନୁଗୋଳ,୬/୮ (ସକାଳଖବର): ଅନୁଗୋଳ ସହରର ଅମଲାପଡ଼ା ମୁସିଲମ୍ ସାହି କେନାଲ ନିକଟରୁ ଆଜି ପ୍ରଶାସନ ପକ୍ଷରୁ ଜବର ଦଖଲ ଉଚ୍ଛେଦ କରାଯାଇଛି । ଘର ଉଚ୍ଛେଦ ହେଉଥିବାବେଳେ ଜଣେ ଏହାକୁ ବିରୋଧ କରିବାରେ ପୋଲିସ ତାଙ୍କୁ ଉଠାଇ ନେଇ ଥାନାରେ ଅଟକ ରଖିଛି । ଏହାକୁ ନେଇ ଘଟଣାସ୍ଥଳରେ କିଛି ସମୟ ଉତ୍ତେଜନା ଲାଗି ରହିଥିଲା । ଏହି ଜବର ଦଖଲ ଉଚ୍ଛେଦ ହେବାପରେ ଏହି ସ୍ଥାନରେ ପୌରପାଳିକା ପକ୍ଷରୁ ରାତ୍ରୀ ଆଶ୍ରୟସ୍ଥଳ ନିର୍ମାଣ ହେବ ବୋଲି ଯୋଜନା ରହିଛି ।